عمران فاروق قتل کیس عدالت کا ملزمان خالد شمیم٬ محسن علی اور معظم علی پر فرد جرم عائد کرنے کیلئے آئندہ سماعت پر پیش کرنے کا حکم

جمعرات 20 اکتوبر 2016 21:05

اسلام آباد (اُردو پوائنٹ اخبارتازہ ترین - این این آئی۔ 20 اکتوبر2016ء) انسداد دہشت گردی کی عدالت نے عمران فاروق قتل کیس کے ملزمان پر فرد جرم عائد کرنے کیلئے 27 اکتوبر کی تاریخ مقرر کرتے ہوئے گواہان کو بھی طلبی کے سمن جاری کر دیئے ہیں ۔انسداد دہشت گردی کی عدالت نے ایم کیو ایم کے سینئر رہنما ڈاکٹر عمران فاروق کے لندن میں قتل کے مقدمہ کی سماعت کی ۔

(جاری ہے)

عدالت نے ملزمان خالد شمیم٬ محسن علی اور معظم علی پر فرد جرم عائد کرنے کیلئے آئندہ سماعت پر عدالت میں پیش کرنے کا حکم دیا اور ایف آئی اے کو استغاثہ کے گواہان پیش کرنے کی ہدایت کی ۔فاضل جج نے ریمارکس دیے کہ ملزمان کے خلاف ٹرائل کے آغاز پر وکلا کی مشاورت سے کیس کی روزانہ کی بنیاد پر سماعت کرنے کا فیصلہ کیا جائے گا ۔ ملزمان کے جیل ٹرائل کا فیصلہ بھی آئندہ سماعت پر متوقع ہے ۔