یمنی حوثیوں کو عمان سے ایرانی اسلحہ فراہم کرنے کا انکشاف
عمان کی تردید٬کوئی ہتھیارہماری سرحد پار نہیں کرسکتا٬وزیرخارجہ کا ردعمل
جمعرات 20 اکتوبر 2016 16:27
مسقط/صنعائ(اُردو پوائنٹ اخبارتازہ ترین - این این آئی۔ 20 اکتوبر2016ء) ایران نے یمن میں حوثی شیعہ باغیوں کے لیے اسلحے اور ہتھیاروں کی فراہمی تیز کر دی ۔ اس ایرانی اقدام سے یہ خطرہ پیدا ہو گیا ہے کہ یمن کا خونریز تنازعہ مزید طویل ہو سکتا ہے۔امریکی اور ایرانی عہدیداروں نے خبر رساں ادارے کو بتایا کہ گزشتہ 19 ماہ سے جاری اس تنازعے میں اب ایران کی جانب سے حوثی شیعہ باغیوں کی عسکری مدد میں اضافہ کر دیا گیا ہے٬ تاکہ وہ سعودی حمایت یافتہ صدر منصور ہادی اور ان کی حامی فورسز کے خلاف زیادہ مؤثر انداز سے لڑ سکیں۔
بتایا گیا ہے کہ ایران کی جانب سے حوثی باغیوں کو حالیہ چند ماہ میں چھوٹے ہتھیاروں کے ساتھ ساتھ میزائل بھی فراہم کیے گئے ہیں۔ یہ بات اہم ہے کہ کچھ روز قبل حوثی باغیوں کی جانب سے دو امریکی جنگی بحری جہازوں پر ناکام میزائل حملے بھی کیے گئے تھے۔(جاری ہے)
حوثی باغیوں کے زیرقبضہ علاقوں سے فائر کیے گئے یہ راکٹ ان بحری جہازوں کے قریب گرے تھے اور ان حملوں میں بحری جہازوں کو کوئی نقصان نہیں پہنچا تھا۔
اس کے جواب میں امریکی بحیرہ نے بعد میں حوثی باغیوں کی ریڈار تنصیبات کو کروز میزائلوں سے نشانہ بنایا تھا۔بتایا گیا ہے کہ ہتھیاروں کی یہ اسمگلنگ حالیہ کچھ عرصے میں عمان کے ذریعے عمل میں آئی٬ جہاں سے زمینی راستے سے یہ ہتھیار یمن پہنچ رہے ہیں۔ امریکی حکام کا کہنا ہے کہ اس سلسلے میں عمان کی حکومت کو امریکی تشویش سے آگاہ کر دیا گیا ہے۔ایک امریکی عہدیدار نے خبر رساں ادارے کو بتایاکہ ہمیں ایران سے یمن پہنچنے والے ہتھیاروں کے اس بہاؤ پر تشویش ہے۔ اس سلسلے میں حوثی باغیوں سے تعلق رکھنے والوں تک یہ تشویش پہنچا دی گئی ہے٬ جس میں عمانی حکومت بھی شامل ہے۔دوسری جانب عمان کی حکومت نے ہتھیاروں کی ایسی کسی بھی نقل و حرکت کو مسترد کیا ہے۔ تاہم اس سلسلے میں عمانی حکام کی جانب سے کوئی تفصیلی تبصرہ سامنے نہیں آیا۔ یمنی اور اعلیٰ علاقائی حکام کا کہنا تھا کہ عمانی حکام ہتھیاروں کی اس نقل و حرکت میں خود شامل نہیں ہیں٬ تاہم انہوں نے اس بہاؤ کو روکنے سے متعلق کوئی کارروائی بھی نہیں کی۔ اس موضوع پر بات کرتے ہوئے عمانی وزیرخارجہ یوسف بن علوی نے کہاکہ اس بات میں کوئی سچائی نہیں ہے۔ کوئی ہتھیار ہماری سرحد عبور نہیں کر سکتا۔ اس سلسلے میں کسی بھی بات کا جواب دینے کے لیے ہم تیار ہیں۔مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.