ریاض کے قریب سعودی آرامکو کی خام تیل کی تنصیبات میں آتش زدگی٬ متعدد ورکرز جھلس گئے

جمعرات 20 اکتوبر 2016 13:39

ریاض ۔ (اُردو پوائنٹ اخبارتازہ ترین - اے پی پی۔ 20 اکتوبر2016ء) سعودی عرب کے دارالحکومت ریاض کے قریب سعودی آرامکو کی خام تیل کی تنصیبات میں آتش زدگی سے متعدد ورکرز جھلس گئے۔

(جاری ہے)

سعودی میڈیا کے مطابق کمپنی کی جانب سے جاری ہونے والے ایک بیان میں کہا گیاہے کہ آتش زدگی الوسیعہ میں قائم خام تیل کی ایک تنصیب میں ہوئی جس میں متعدد ورکرز جھلس گئے تاہم کوئی ہلاک نہیں ہوا۔بیان کے مطابق جلنے والے ورکروں کا علاج جاری ہے۔ذرائع کے مطابق واقعے میں17افراد زخمی ہوئے جن میں سے تین کی حالت نازک ہیں۔ کمپنی کا کہنا ہے کہ آتش زدگی سے کمپنی کے آپریشن پر کوئی فرق نہیں پڑا ہے۔