2 نومبر کو اسلام آباد دھرنے سے کوئی ایسی صورتحال پیدا نہیں ہوگی جس میں فوج سے 'ثالثی' کا کردارادا کرنے کی درخواست کی جائے۔ یقین ہے کہ تحریک انصاف اسلام آباد کو بند نہیں کروا سکے گی کیونکہ تاجر برداری اس فیصلے کی حمایت کے لیے تیار نہیں -مسلم لیگ نون
میاں محمد ندیم جمعرات 20 اکتوبر 2016 11:15
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔20اکتوبر۔2016ء) حکمران جماعت پاکستان مسلم لیگ (ن) کے رہنما طارق فضل چوہدری کا کہنا ہے کہ 2 نومبر کو اسلام آباد دھرنے سے کوئی ایسی صورتحال پیدا نہیں ہوگی جس میں فوج سے 'ثالثی' کا کردارادا کرنے کی درخواست کی جائے۔نجی ٹی وی کے پروگرام میں گفتگو کرتے ہوئے طارق فضل چوہدری کا کہنا تھا مجھے نہیں لگتا کہ 2014 والے دھرنے میں آرمی چیف جنرل راحیل شریف سے 'ثالثی' کی درخواست کی گئی تھی اور نہ ہی ایسا کرنے کی مستقبل میں نوبت آئے گی۔
انھوں نے کہا کہ پہلے کی طرح حکومت تمام اقدامات کررہی ہے اور انہیں یقین ہے کہ تحریک انصاف اسلام آباد کو بند نہیں کروا سکے گی کیونکہ وہاں کی تاجر برداری اس فیصلے کی حمایت کے لیے تیار نہیں ہے۔(جاری ہے)
ان کا کہنا تھا کہ اگرچہ احتجاج کرنا تحریکِ انصاف کا آئینی حق ہے، لیکن دنیا میں کہیں بھی ایسا نہیں ہوتا کہ کسی دارالحکومت کو بند کردیا جائے۔
لیگی رہنما نے چیئرمین پی ٹی آئی عمران خان کو مشورہ دیا کہ وہ اپنے احتجاج کے مفاد میں عام شہریوں سے ان کا آئینی حق نہ چھینیں۔یاد رہے کہ عام انتخابات میں مبینہ دھاندلی کے خلاف 2014 میں ہونے والے تحریک انصاف کے اسلام آباد دھرنے کے دوران ان خبروں نے جنم لیا تھا کہ حکومت نے آرمی چیف جنرل راحیل شریف سے حکومتی اور احتجاجی جماعت کے درمیان مذاکرات کے لیے ثالث کا کردار ادا کرنے کی درخواست کی تھی۔اگرچہ ا±س وقت خود وزیراعظم نواز شریف نے قومی اسمبلی کے اجلاس کے دوران فوج سے مدد حاصل کرنے سے متعلق خبروں کی تردید کی تھی، لیکن حکومت کو جھٹکا ا±س وقت لگا تھا جب فوج کے شعبہ تعلقات عامہ نے ایک بیان میں کہا کہ درحقیقت حکومت نے آرمی چیف جنرل راحیل شریف سے احتجاجی جماعتوں سے مذاکرات کے لیے سہولت' فراہم کرنے کے لیے کہا تھا۔آئی ایس پی آئی کے اس بیان کے بعد حکومت کو مشکل صورتحال سے نکالنے کے لیے وفاقی وزیر داخلہ چوہدری نثار علی خان آگے آئے اور انہوں نے پاکستان تحریک انصاف اور پاکستان عوامی تحریک پر الزام عائد کیا تھا کہ وہ اپنے ذاتی سیاسی ایجنڈے کے لیے فوج کو استعمال کررہے ہیں۔تحریک انصاف ایک مرتبہ پھر اسلام آباد میں دھرنے کا اعلان کرچکی ہے اور ایسے میں تمام نظریں حکومت کی طرف لگی ہیں کہ وہ اس بار کیا حکمتِ عملی اختیار کرے گی۔خیال رہے کہ وزیراعظم نواز شریف ایک روز قبل ہی مسلم لیگ (ن) کے پارٹی انتخابات کے دوران کافی سخت انداز میں یہ واضح کرچکے ہیں کہ کوئی کنٹینر پر احتجاج کرے یا سڑک پر انہیں اس بات سے کوئی فرق نہیں پڑتا۔دوسری طرف تحریک انصاف کے چیئرمین عمران خان بھی واضح کرچکے ہیں کہ وہ پاناما لیکس کی تحقیقات تک آرام سے نہیں بیٹھیں گے۔وزیراعظم کا یہ جارحانہ رویہ ایک ایسے وقت میں دیکھنے میں آیا ہے جب تحریک انصاف پاناما لیکس کی آزادانہ تحقیقات اور ملک سے کرپشن کے خاتمے کا مطالبہ لے کر 2 نومبر کو اسلام آباد میں دھرنا دینے جارہی ہے۔متعلقہ عنوان :
مزید اہم خبریں
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.