الیکشن کمیشن آف پاکستان کا ارکین اسمبلی کے سالانہ اثاثوں اور واجبات کی تفصیلات کی چھان بین کا فیصلہ
میاں محمد ندیم بدھ 19 اکتوبر 2016 09:32
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔19اکتوبر۔2016ء) الیکشن کمیشن آف پاکستان نے ارکان اسمبلی کی جانب سے جمع کرائے جانے والے سالانہ اثاثوں اور واجبات کی تفصیلات کی چھان بین کا فیصلہ کرلیا۔باخبر ذرائع نے بتایا کہ چیف الیکشن کمشنر ریٹائرڈ جسٹس سردار محمد رضا کی سربراہی میں کام کرنے والے الیکشن کمیشن نے سیکریٹریٹ کو ہدایات جاری کی ہیں کہ وہ اس حوالے سے کام شروع کرنے کے طریقہ کار وضع کرے جس میں ضابطہ کار اور ٹائم لائن کو بھی شامل کیا جائے جبکہ اسے منظوری کے لیے کمیشن کے سامنے پیش کیا جائے۔
اس سوال پر کہ اگر کوئی رکن اسمبلی اثاثوں اور واجبات کی تفصیلات میں غلط بیانی کا مرتکب پایا گیا تو اس کے ساتھ کیا ہوگا؟ الیکشن کمیشن کے ایک عہدے دار نے بتایا کہ ان کے خلاف ری پریزینٹیشن آف پیپلز ایکٹ کے سیکشن 82 کے تحت کارروائی کی جائے گی۔(جاری ہے)
واضح رہے کہ روپا کے سیکشن 42 اے (1) کے تحت قومی و صوبائی اسمبلی کے تمام ارکان پر لازم ہے کہ وہ ہر سال ستمبر کی 13 تاریخ تک اپنے اور اپنے اہل خانہ کے اثاثوں اور واجبات کی تفصیلات الیکشن کمیشن میں جمع کرائیں۔
ارکان سینیٹ بھی سینیٹ (الیکشنز) ایکٹ 1975 کے تحت اثاثوں کی تفصیلات جمع کرانے کے پابند ہیں۔الیکشن کمیشن کے عہدے دار نے بتایا کہ آئین کا سیکشن 42 اے (4) کہتا ہے کہ جب کوئی رکن اسمبلی سب سیکشن 1 کے تحت اپنے اثاثوں کی تفصیلات جمع کراتا ہے اور وہ غلط ثابت ہوتی ہیں تو بدعنوانی کا مرتکب ہونے پر اس کے خلاف سیکشن 82 کے تحت کارروائی ہونی چاہیے۔روپا کا سیکشن 82 بدعنوانی میں ملوث شخص کے لیے تین سال تک قید کی سزا کا تعین کرتا ہے۔انہوں نے بتایا کہ کمیشن خود ارکان اسمبلی کے اثاثوں کا آڈٹ کرے گا جبکہ اگر ضروری ہوا تو انہیں عدالتی، انتظامیہ یا ریوینیو حکام کے پاس بھی بھیجا جاسکتا ہے۔انہوں نے بتایا کہ روپا کا سیکشن 104 اس بات کی اجازت دیتا ہے کہ اگر کوئی بھی ایسا کام جس کے لیے اس ایکٹ میں کوئی واضح شق یا سیکشن موجود نہیں تو پھر اسے کمیشن کی ہدایت کے مطابق کیا جاسکتا ہے۔ارکان اسمبلی کے اثاثوں کے آڈٹ کا فیصلہ الیکشن کمیشن کی جانب سے اپنے پولیٹیکل فنانس ونگ کو دوبارہ فعال کرنے کے چند دنوں بعد سامنے آیا جب ای سی پی نی اثاثوں اور واجبات کی تفصیلات جمع نہ کرنے والے 337 ارکان اسمبلی کو معطل کردیا تھا۔ واضح رہے کہ تقریباً ایک دہائی سے زائد عرصے سے اثاثوں اور واجبات کی تفصیلات جمع کرانا محض رسمی کارروائی بن کر رہ گیا ہے کیوں کہ ای سی پی تفصیلات وصول کرتا ہے اور بغیر تصدیق اور جانچ پڑتال کیے اسے سرکاری گزٹ میں شائع کردیتا ہے۔اکثر ارکان اسمبلی باآسانی اثاثوں کی تفصیلات جمع کرانے کی شرائط کو نظر انداز کردیتے ہیں کیوں کہ انہیں معلوم ہوتا ہے کہ ان سے کوئی سوال نہیں پوچھا جائے گا۔یہاں ایک عام تاثر یہ بھی ہے کہ بیشتر ارکان اسمبلی اپنے اثاثوں کو حقیقت سے کہیں زیادہ کم ظاہر کرتے ہیں اور کئی سیاستدان ایسے بھی ہیں جنہوں نے بتایا کہ ان کے پاس ذاتی گاڑی بھی نہیں تاہم انہیں قافلوں کی شکل میں سفر کرتے ہوئے دیکھا جاسکتا ہے۔الیکشن کمیشن آف پاکستان کی جانب سے ارکان اسمبلی کے اثاثوں کی جانچ پڑتال کا فیصلہ ایسے وقت میں سامنے آیا ہے جب پہلے ہی ای سی پی میں اثاثے چھپانے کے الزام میں وزیر اعظم نواز شریف، وزیر اعلیٰ پنجاب شہباز شریف، حمزہ شہباز، وزیر اعظم کے داماد کیپٹن ریٹائرڈ محمد صفدر، وزیر خزانہ اسحٰق ڈار، پی ٹی آئی چیئرمین عمران خان، جہانگیر ترین اور دیگر رہنماو¿ں کی نااہلی کی درخواستیں آئی ہوئی ہیں۔اس کیس میں شامل کئی افراد نے الیکشن کمیشن میں براہ راست دائر کی جانے والی درخواستوں پر اعتراض اٹھاتے ہوئے ای سی پی کے دائرہ اختیار کو چیلنج کر رکھا ہے جبکہ ای سی پی کا کہنا ہے کہ وہ نا اہلی کی درخواستوں پر کارروائی سے قبل اپنے دائرہ اختیار کا معاملہ نمٹائے گا۔متعلقہ عنوان :
مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.