وزیر اعلی نے ناظم آباد میں پولیس اہلکارکے قتل کا نوٹس لے لیا

یہ کون سا گروپ ہے جو پولیس کی ٹارگٹ کلنگ کرتا ہے اور پکڑابھی نہیں جاتا ٬مراد علی شاہ کا آئی جی سے استفسار

ہفتہ 15 اکتوبر 2016 16:22

کراچی (اُردو پوائنٹ اخبارتازہ ترین - این این آئی۔ 15 اکتوبر2016ء) وزیراعلیٰ سندھ سید مراد علی شاہ نے کراچی کے علاقے نارتھ ناظم آباد میں پولیس اہلکار کے قتل کا نوٹس لے لیا ہے ۔

(جاری ہے)

تفصیلات کے مطابق وزیراعلیٰ سندھ سید مراد علی شاہ نے ہفتہ کو آئی جی سندھ اے ڈی خواجہ کو فون کیا اور ان سے پولیس اہلکار منور کے قتل کی تفصیلات معلوم کیں ۔وزیراعلیٰ سندھ نے آئی جی سندھ سے استفسار کیا کہ یہ کون سا گروپ ہے جو پولیس کی ٹارگٹ کلنگ کرتا ہے اور پکڑا کیوں نہیں جاتا ہے ۔انہوںنے کہا کہ ایسے واقعات کو نظر انداز نہیں کیاجاسکتا ہے ۔