افغانستان کا بھارت کے شہرحیدرآباد میں قونصل خانہ کھولنے کا فیصلہ

ہفتہ 15 اکتوبر 2016 15:03

کابل ۔ (اُردو پوائنٹ اخبارتازہ ترین - اے پی پی۔ 15 اکتوبر2016ء) افغانستان نے بھارت کے شہرحیدرآباد میں قونصل خانہ کھولنے کا فیصلہ کیاہے۔افغان میڈیا کے مطابق بھارت میں افغانستان کے سفیرشیدامحمد ابدالی نے بتایا کہ بھارت کے ساتھ تجارتی اوراقتصادی تعلقات کے فروغ کیلئے آندھرا پردیش کے دارالحکومت حیدرآباد میں افغان قونصل خانہ کھولنے کا فیصلہ کیا گیاہے۔

(جاری ہے)

انہوں نے کہاکہ اس ضمن میں ایک وفد عنقریب حیدرآباد کا دورہ کریگا تاکہ قونصل خانہ کیلئے مناسب جگہ کا تعین کیا جاسکے۔واضح رہے کہ اس وقت نئی دہلی میں افغانستان کا سفارت خانہ٬ممبئی میں قونصل خانہ اورکولکتہ میں اتاشی آفس کام کررہاہے۔