امریکا ٬ایف بی آئی نے دانستہ طور پر طیارہ گرائے جانے کی تحقیقات شروع کردی

نیویارک (اُردو پوائنٹ اخبارتازہ ترین - آئی این پی۔ 15 اکتوبر2016ء)امریکی خفیہ ادارے ایف بی آئی نے ایک مشاق طیارے کے گرائے جانے سے متعلق سامنے آنے والے تازہ واقع کی تحقیقات شروع کردیں٬ایک اردنی نوخیز ہواباز نے دو انجنوں والا مشاق طیارہ اڑاتے ہوئے دانستہ طور پر حادثے سے دوچارکردیا تھا جس کے نتیجے میں اردنی پائلٹ ہلاک اور اس کا ٹرینرشدید زخمی ہوا تھا۔

غیر ملکی میڈیا کے مطابق یہ واقعہ امریکا کی شمال مشرقی ریاست کونیٹیکٹ کے شہر مشرقی ہاروڈ میں پیش آیا۔ مشاق طیارے میں اردنی پائلٹ 28 سالہ فراس محمد فریتخ کے ہمراہ اس کا ٹرینر اورہارفورڈ فلائٹ سکول نامی انسیٹیٹیوٹ کا ایک کوچ بھی تھا جو شدید زخمی ہوا ہے تاہم اس کی حالت خطرے سے باہر بیان کی جاتی ہے۔ میڈیا رپورٹس میں بتایا گیا ہے کہ اردنی ہواباز نے دو انجنوں والے مشاق طیارے کو دانستہ طور پر حادثے سے دوچار کیا جس کے نتیجے میں اس کی اپنی موت بھی واقع ہوئی۔

(جاری ہے)

نیویارک کیہیوی نیوز ویب سائیٹ کے مطابق حادثے کے نتیجے میں ہلاک ہونے والے اردنی ہواباز کے فلیٹ پر پولیس نے چھاپہ مارا مگر اس کی رہائش گاہ سے ایسی کوئی مشکوک چیزبرآمد نہیں ہوسکی۔ تاہم پولیس اور خفیہ ادارہ ایف بی آئی واقعے کی مختلف پہلوں سے تحقیقات کررہے ہیں۔دستیاب معلومات سے پتا چلا ہے کہ داسنتہ طور پر طیارے کو حادثے سے دوچار کرنے والے اردنی ہواباز اور اس کے نگران کیدرمیان طیارے کے کاک پٹ میں لڑائی بھی ہوئی۔

اس کے نگران نے اردنی ہواباز کو طیارے کو احتیاط سے اڑانے کی تاکید کی مگر اس نے مزید بے احتیاطی شروع کردی جس پردونوں میں ہاتھا پائی بھی ہوئی۔اردنی شہری فریتخ 2012 میں ہوابازی سیکھنے کے لیے امریکا آیا تھا جہاں اسے ابتدائی طور پر ایک انجن والے مشاق طیارے اڑانے کی اجازت تھی مگر گذشتہ منگل کو اس نے دو انجن والا طیارہ اڑایا۔ اس دوران اس نے خلاف معمول طیارے میں گڑ بڑ شروع کردی جس کے نتیجے میں وہ حادثے سے دوچار ہوگیا۔