عراق سے فوج واپس نہیں بلائیں گے ٬ رجب طیب اردوان

ہفتہ 15 اکتوبر 2016 11:10

انقرہ ۔ (اُردو پوائنٹ اخبارتازہ ترین - اے پی پی۔ 15 اکتوبر2016ء) ترکی کے صدر رجب طیب اردوان نے کہا ہے کہ ان کا ملک شمالی عراق کے بعشیقہ کیمپ سے اپنی فوج واپس نہیں بلائے گا کیونکہ عراق میں ترک فوج کی مداخلت کا مقصد دہشت گردوں کی سرکوبی ہے جبکہ موصل کو دہشت گردوں سے آزاد کرانے کے لیے بین الاقوامی برادری کو تعاون کرنا ہوگا۔

(جاری ہے)

ترک صدر طیب اردوان نے قونیہ شہر میں اپنے حامیوں کے ایک اجتماع سے خطاب کرتے ہوئے کہا کہ ترکی اپنے اتحادی ممالک سے آئندہ چند روز میں موصل کو دہشت گردوں سے چھڑانے کے لیے جنگ میں شمولیت کی دعوت دے گا۔

ترکی کی سرکاری خبر رساں ایجنسی ’اناطول‘ نے اپنی ایک سابقہ رپورٹ میں بتایا تھا کہ شمالی عراق کے بعشیقہ فوجی کیمپ میں ترک فوج کی زیرنگرانی جن عراقی جنگجوؤں کو عسکری تربیت فراہم کی گئی ہے وہ موصل کو داعش سے چھڑانے کے معرکے میں شامل ہیں۔

Facebook Twitter Google + Share on Whatsapp

عراق سے فوج واپس نہیں بلائیں گے ٬ رجب طیب اردوان

متعلقہ عنوان :

مزید بین الاقوامی خبریں