صوبائی دارالحکومت میں آوارہ کتوں کی بھرمار کے خلاف پنجاب اسمبلی سیکرٹریٹ میں قرارداد جمع

جمعرات 13 اکتوبر 2016 20:30

لاہور (اُردو پوائنٹ اخبارتازہ ترین - آن لائن۔ 13 اکتوبر2016ء) صوبائی دارالحکومت میں آوارہ کتوں کی بھرمار کے خلاف پنجاب اسمبلی سیکرٹریٹ میں قرارداد جمع کرا دی گئی ہے جبکہ اشیاء خورونوش میں فوڈ کیمیکل اور غیر میعاری کلر استعمال کر نے کے خلاف تحریک انصاف نے قرارداد جمع کرائی۔

(جاری ہے)

تحریک انصاف کے احمد خان کی جانب سے لاہور میں آوارہ کتوں کی بھرمار کیخلاف پنجاب اسمبلی سیکرٹریٹ میں قرارداد جمع کرائی گئی ہے جس میں انہوں نے مطالبہ کیا ہے کہ شہر بھر میں آوارہ کتوں کو تلف کرنے کے لیے ٹھوس اقدامات کیے جائیں کیونکہ آوارہ کتوں کے کاٹنے کے واقعات میں اضافہ ہوتا جارہا ہے۔

دوسری جانب تحریک انصاف کے ملک تیمور مسعود کی جانب سے قرارداد جمع کروائی گئی ہے جس میں انہوں نے مطالبہ کیا ہے کہ مٹھائیاں اور گولیاں بنانے والی ایسی فیکڑیوں کے خلاف کارروائی کی جائے جو غیر معیاری کلر اور فوڈ کیمیکل استمال کر رہی ہیں۔تحریک انصاف کی نبیلہ حاکم علی نے اپنی قرارداد میں مطالبہ کیا ہے کہ نیشنل ایکشن پلان پر عمل درآمد کے لیے موثر حکمت عملی بنائی جائے اور صوبہ بھر میں کالعدم تنظیوں کے خلاف بلا تفریق کارروائی عمل میں لائی جائے۔(ایم سلیمان)