امریکا میں صدارتی امیدواروں کے درمیان لفظی جنگ میں شدت

صدر بنا تو ہیلری کو جیل بھیج دو ں گا ٬ڈونلڈ ٹرمپ ٹرمپ نامنا سب بیانات پر معافی ما نگے ٬ ہیلر ی

جمعرات 13 اکتوبر 2016 12:23

واشنگٹن(اُردو پوائنٹ اخبارتازہ ترین - آن لائن۔ 13 اکتوبر2016ء) امریکا کے صدارتی انتخابات کیلئے امیدواروں کی انتخابی مہم میں تیزی آگئی ۔ ری پبلکن امیدوار ڈونلڈ ٹرمپ نے ہیلری کلنٹن پر ایک بار پھر سرکاری ای میلز ڈیلیٹ کرنے کا الزام لگاتے ہوئے حکومت میں آکر جیل بھجوانے کی دھمکی دی ہے۔

(جاری ہے)

ایک ریلی کے دوران ریپبلکن امیدوار ڈونلڈ ٹرمپ نے ہیلری کلنٹن کو شدید تنقید کا نشانہ بنایا۔

انھوں نے ڈیموکریٹک امیدوار پرایک بار پھر سر کاری ای میلز ڈیلیٹ کرنے کا الزام لگایا۔ ٹرمپ نے اس اقدام کو شرمناک قرار دیتے ہوئے حکومت میں آکر ہیلری کو جیل بھجوانے کا اعلان بھی کیا۔ ہیلری کلنٹن نے ڈونلڈ ٹرمپ کے الزامات کو مسترد کرتے ہوئے ان سے خواتین سے متعلق نامنا سب بیانات پر معافی مانگنے کا مطالبہ کیا۔۔