پرویز ملک اور محسن شاہنواز رانجھا کی ترک سپیکر ٬ْ تھنک ٹینکس سے ملاقاتیں٬ مقبوضہ کشمیر میں بھارتی مظالم سے آگاہ کیا

نوجوان کشمیری رہنما برہان وانی کی شہادت سے مقبوضہ کشمیر میں آزادی کی نئی لہر اٹھی ٬ْ پاکستانی رہنما

منگل 11 اکتوبر 2016 14:04

انقرہ (اُردو پوائنٹ اخبارتازہ ترین - این این آئی۔ 11 اکتوبر2016ء) ترکی نے کشمیر کاز کیلئے اپنی مضبوط اور روایتی حمایت کا اعادہ کیا ہے۔ ترکی کے دورے پر گئے ہوئے وزیراعظم کے خصوصی نمائندوں محمد پرویز ملک اور محسن شاہنواز رانجھا نے پہلے روز ترکی کی پارلیمانی قیادت٬ میڈیا٬ سول سوسائٹی اور تھنک ٹینکس سے ملاقاتیں کیں اور انہیں مقبوضہ کشمیر میں بھارتی مظالم اور وہاں پر ہونے والے انسانی حقوق کی خلاف ورزیوں سے آگاہ کیا۔

(جاری ہے)

خصوصی نمائندوں نے ترک گرینڈ نیشنل اسمبلی کے سپیکر سے بھی ملاقات کی اور انہیں مقبوضہ کشمیر کی صورتحال پر تفصیلی بریفنگ دی۔ انہوں نے بتایا کہ نوجوان کشمیری رہنما برہان وانی کی شہادت سے مقبوضہ کشمیر میں آزادی کی نئی لہر اٹھی جسے بھارتی فوج دبانے کیلئے نہتے کشمیریوں پر مظالم ڈھا رہی ہے۔