کراچی٬عزیز آباد سے بر آمد اسلحہ میں شامل مشین گنیں معائنے کیلئے سندھ پولیس کے فارنزک ڈویژن بھیج دی گئیں

پیر 10 اکتوبر 2016 20:21

کراچی(اُردو پوائنٹ اخبارتازہ ترین - آن لائن۔ 10 اکتوبر2016ء) عزیز آباد سے ملنے والے اسلحہ میں شامل مشین گنیں معائنے کیلیے سندھ پولیس کے فارنزک ڈویژن بھیج دی گئیں ۔حکام کا کہنا ہے کہ اسلحہ کب اور کہاں بنا اس کی تحقیقات بھی کی جارہی ہیں۔ تصدیق کیلیے اسلحے کے سیریل نمبرزکواسلحہ بنانے والی فیکٹری بھیجا گیا ہے۔

(جاری ہے)

تحقیقاتی حکام کا کہنا ہے کہ سرکاری اسلحے کی تصدیق کیلئے مختلف محکموں کو خطوط لکھے ہیں ۔معلوم ہو سکیگا کہ یہ اسلحہ کسی محکمے کو بیچا گیایانہیں۔حکام کے مطابق دوسرے مرحلے میں ایل ایم جیز اور بھاری ہتھیار بھجوائے جائیں گے۔واضح رہے کہ گذشتہ ہفتے کراچی کے علاقے عزیز آباد میں ایک خالی مکان سے بڑے تعداد میں اسلحہ و گولہ بارود برآمد کیا گیا تھا۔#