کراچی کی ہندو برادری نے محرم الحرام کے احترام میں رام لیلا تھیٹر منسوخ کر دیا
سمیرا فقیرحسین پیر 10 اکتوبر 2016 16:19
کراچی (اُردو پوائنٹ تازہ ترین اخبار۔10 اکتوبر 2016ء) : محرم الحرام کے احترام میں کراچی کی ہندو برادری نے رواں سال نوراتری کے موقع پر اپنا رام لیلا کا تھیٹر منسوخ کر دیا ہے۔ ہندو برادری کی جانب سے کیا گیا یہ فیصلہ بین المذہب ہم آہنگی کو فروغ دینے میں کارآمد ثابت ہو گا۔ تفصیلات کے مطابق ہندو برداری ہر سال سوامی نارائن مندر میں نوراتری کے موقع پر رام لیلا کی کہانی پر مبنی ایک تھیٹر پرفارمنس میں 50 فٹ لمبا راوانا کا ایک پتلا نذر آتش کرتے ہیں۔
نوراتری ہندوؤں کا ایک تہوار ہے جس میں ہندو مذہب سے تعلق رکھنے والے افراد نو دن تک امبے ماتا درگا کی یاد اور رام کی راوانا سے جیت کی خوشی میں مناتے ہیں، جو برائی کی اچھائی پر جیت کی عکاسی کرتا ہے۔ اس تہوار پر ہندو برادری دن بھر فاقہ کرنے کے بعد رات میں رقص کرتی ہے۔(جاری ہے)
تاہم اس برس محرم الحرام کے احترام میں ہندو برادری نے ایسا نہ کرنے کا فیصلہ کیا ہے۔
سوامی نارائن مندر نائب صدرکشن لال نے بتایا کہ ہر سال ہندوؤں کی ایک بڑی تعداد اس تہوار میں شریک ہونے اور رام لیلا دیکھنے یہاں آتی ہے۔ لیکن چونکہ محرم الحرام میں سکیورٹی کے پیش نظر سڑکیں بند ہونے کے باعث متعدد لوگ یہاں نہیں پہنچ سکتے لہٰذا ہم نے اسے منسوخ کرنے کا فیصلہ کیا ہے۔ انہوں نے کہا کہ کسی نے ہم سے رام لیلا تھیٹر نہ کرنے کا مطالبہ نہیں کیا۔ لیکن بلا شبہ مسلمان ہمارے بھائی ہیں، وہ ہماری عزت کرتے ہیں اور ہم ان کی عزت کریں گے۔ کشن لال نے مزید کہا کہ رواں سال روانا کے پُتلے کو نذر آتش بھی نہیں کیا جائے گا کیونکہ ایسا محض رام لیلا کی پرفارمنس کے دوران ہی کیا جاتا ہے۔ واضح رہے کہ پاکستان کے دشمنوں خاص کر بھارت کی جانب سے بار بار یہ واویلا مچایا جاتا ہے کہ پاکستان میں مذہبی رواداری نام کی کسی چیز کا کوئی وجود نہیں ہے۔ تاہم ہندو برادری کی جانب سے لیے گئے اس فیصلے نے بھارت کے پراپیگنڈا کا منہ توڑ جواب دے دیا ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.