ایف آئی اے نے معیاری ویزا کے بغیر پاکستان آنے والے سعودی شہری کو ڈی پورٹ ٬ سعودی شہری کو پاکستان لانے والی ایئر لائن پر 5 ہزار جرمانہ عائد

پیر 10 اکتوبر 2016 13:40

اسلام آباد ۔ (اُردو پوائنٹ اخبارتازہ ترین - اے پی پی۔ 10 اکتوبر2016ء) ایف آئی اے نے معیاری ویزا کے بغیر پاکستان آنے والے سعودی شہری فارس حسن محمد کو ڈی پورٹ کر دیا جبکہ سعودی شہری کو پاکستان لانے والی ایئر لائن کو 5 ہزار جرمانہ کر دیا گیا ہے ۔

(جاری ہے)

ایف آئی اے کے مطابق ایمریٹس ایئر لائنز معیاری ویزا کے بغیر سعودی شہری فارس حسن محمود٬ جس کا پاسپورٹ نمبر ایل 887489 تھا٬ کو اسلام آباد لیکر آئی۔ ایف آئی اے امیگریشن نے دستاویزات مکمل نہ ہونے پر اسے داخلہ کی اجازت دینے سے انکار کر دیا اور اسے ڈیپورٹ کرنے کیلئے واپس ایئر لائنز کے حوالے کر دیا۔ ایمریٹس لائینزپر پانچ لاکھ روپے جرمانہ بھی عائد کیا جا رہا ہے۔