وزیراعلیٰ شہباز شریف سے فوڈ اینڈ ایگریکلچر آرگنائزیشن کے ڈائریکٹر جنرل جوزگرازینوڈیسلواکی قیادت میں وفدکی ملاقات
فوڈ اینڈ ایگریکلچرآرگنائزیشن اور پنجاب حکومت کے مابین زراعت کی ترقی ، چھوٹے کاشتکاروں کی خوشحالی، فوڈ سیکورٹی کے شعبوں میں تعاون بڑھانے پر اتفاق چھوٹے کاشتکاروں کو اربوں روپے کے بلاسود قرضے بذریعے سمارٹ فون فراہم کرنے کا پروگرام بنایا گیا ہے،فوڈ اینڈایگریکلچر آرگنائزیشن کی معاونت سے کاشتکاروں کی زندگیوں میں مزید آسانیاں پیدا کرنا چاہتے ہیں :وزیر اعلی
جمعرات 6 اکتوبر 2016 22:44
لاہور (اُردو پوائنٹ تازہ ترین اخبار۔ 6 اکتوبر- 2016ء) وزیراعلیٰ پنجاب محمد شہبازشریف سے یہاں فوڈ اینڈ ایگریکلچر آرگنائزیشن کے ڈائریکٹر جنرل جوزگرازینوڈیسلوا (Mr.
(جاری ہے)
Jose Graziano da Silva)کی قیادت میں وفدنے ملاقات کی جس میں فوڈ اینڈ ایگریکلچرآرگنائزیشن اور پنجاب حکومت کے مابین زراعت کی ترقی ، چھوٹے کاشتکاروں کی خوشحالی، زرعی پیداوار بڑھانے کیلئے جدید ٹیکنالوجی کے استعمال ، بچوں میں غذائیت کی کمی پر قابو پانے ، فوڈ سیکورٹی کے شعبوں میں تعاون بڑھانے پر اتفاق ہوا-ڈی جی فوڈ اینڈ ایگریکلچر آرگنائزیشن کی جانب سے پنجاب حکومت کو ہر ممکن تعاون کی یقین دہانی کرائی- ملاقات میں پنجاب حکومت اور فوڈ اینڈایگریکلچر آرگنائزیشن کا مستقبل میں اشتراک کار بڑھانے کیلئے مشترکہ کمیٹی تشکیل دینے کا فیصلہ کیا گیا اوریہ مشترکہ کمیٹی زراعت لائیوسٹاک کے شعبوں میں تعاون کے امکانات کا جائزہ لیکر فوری عملدرآمد کیلئے روڈ میپ مرتب کرے گی-وزیر اعلی محمد شہباز شریف نے اس موقع پر گفتگو کرتے ہوئے کہا کہ پاکستان ایک زرعی ملک ہے ، زراعت معیشت کیلئے ریڑھ کی حیثیت رکھتی ہے -فوڈ اینڈ ایگریکلچر آرگنائزیشن کی جانب سے زراعت کی ترقی ،زرعی پیداوار بڑھانے ، جدید ٹیکنالوجی کے استعمال کے فروغ ، نیوٹریشن ، زرعی توسیع خدمات اور دیگر شعبوں میں تکنیکی معاونت کی فراہمی کا خیرمقدم کرتے ہیں -انہوں نے کہا کہ کاشتکاروں کو ریلیف کی فراہمی ہماری ترجیحات ہیں اور اسی مقصد کے پیش نظر چھوٹے کاشتکارکے مفاد کے تحفظ کیلئے وفاقی اور پنجاب حکومتوں نے اربوں روپے کے تاریخ ساز پیکیج دیئے ہیں - انہوں نے کہا کہ زرعی پیداوار بڑھانے کیلئے جدید ٹیکنالوجی کا استعمال بے حد ضروری ہے اور حکومت نے جدید ٹیکنالوجی کے فروغ کیلئے ٹھوس اقدامات کئے ہیں -انہوں نے کہا کہ عالمی کساد بازاری کے باعث ہمارے کاشتکار کو بھی نقصان کا سامنا کرنا پڑا ہے - پنجاب حکومت نے کاشتکارکو ریلیف فراہم کرنے کیلئے سو ارب روپے کے خصوصی پیکیج کا اعلان کیا ہے - چھوٹے کاشتکاروں کو اربوں روپے کے بلاسود قرضے بذریعے سمارٹ فون فراہم کرنے کا پروگرام بنایا گیا ہے - انہوں نے کہا کہ فوڈ اینڈایگریکلچر آرگنائزیشن کی معاونت سے کاشتکاروں کی زندگیوں میں مزید آسانیاں پیدا کرنا چاہتے ہیں -ڈی جی فوڈ اینڈ ایگریکلچر آرگنائزیشن نے اس موقع پر بات چیت کرتے ہوئے کہا کہ پاکستان کے زرعی شعبے میں بے پناہ مواقع موجود ہیں -میں پاکستان کی مستحکم ہوتی معیشت دیکھ کر بہت متاثر ہوا ہوں -پاکستان کے بارے میں دنیا کا تاثر درست نہیں - یہاں ہر شعبے خصوصا زراعت میں بے پناہ پوٹینشل ہے - انہوں نے کہا کہ پنجاب حکومت کے ساتھ کسانوں کو موسمیاتی تغیرات، نیوٹریشن ، چھوٹے کاشتکاروں کو جدید ٹیکنالوجی سے روشناس کرنے ، فوڈ سیکورٹی اور دیگر شعبوں میں تعاون فراہم کریں گے -ڈی جی فوڈ اینڈ ایگریکلچر آرگنائزیشن نے وزیر اعلی شہباز شریف کو دسمبر کے آغاز میں روم میں بین الاقوامی نیوٹریشن کانفرنس میں شرکت کی دعوت بھی دی-فوڈ اینڈ ایگریکلچر آرگنائزیشن کے عہدیداران، وفاقی وزیر نیشنل فوڈ سکیورٹی سکندر بوسن، صوبائی وزراء فرخ جاوید، یاور زمان، بلال یاسین، عائشہ غوث پاشا، معاون خصوصی لائیوسٹاک ارشد جٹ، چیئرمین منصوبہ بندی و ترقیات اور متعلقہ سیکرٹریز بھی اس موقع پر موجود تھے۔
متعلقہ عنوان :
مزید اہم خبریں
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
الزامات عمومی نوعیت کے ہیں
-
تعلیمی اداروں میں موسم بہار کی تعطیلات کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.