عمران خان تشدد کی پالیسی پر گامزن ہیں جو ملک و قوم کے مفاد میں نہیں،انہیں پارلیمنٹ کے مشترکہ اجلاس میں شرکت کرنی چاہیے تھی
وفاقی وزیر تجارت انجینئر خرم دستگیر خان کی نجی ٹی وی چینل سے گفتگو
جمعرات 6 اکتوبر 2016 22:40
اسلام آباد ۔ 6 اکتوبر (اُردو پوائنٹ تازہ ترین اخبار۔ 6 اکتوبر- 2016ء) وفاقی وزیر تجارت انجنیئر خرم دستگیر خان نے کہا ہے کہ تحریک انصاف کے چیئرمین عمران خان تشدد کی پالیسی پر گامزن ہیں جو ملک و قوم کے مفاد میں نہیں، ملکی قومی مفاد میں انہیں پارلیمنٹ کے مشترکہ اجلاس میں شرکت کرنی چاہیے تھی جبکہ انہوں نے اس کا بائیکاٹ کر دیا، جمعرات کو ایک نجی ٹی وی چینل کے پروگرام میں اظہار خیال کرتے ہوئے انہوں نے کہا کہ پارلیمنٹ ایک اہم ترین فورم ہے جہاں مسائل کے حل کے لیے ہم سب کو بات کرنی چاہیے اورکسی پر بھی بغیر شواہد کے الزامات نہیں لگانے چاہییں، انہوں نے کہا کہ ہمیں اس وقت انتشار نہیں بلکہ باہمی اتفاق و اتحاد کی ضرورت ہے، پاکستان تحریک انصاف اخلاقیات پر اور پاکستان پیپلز پارٹی کرپشن پر پاکستان مسلم لیگ ن کو درس نہ دے، وفاقی وزیر نے کہا کہ پاکستان تحریک انصاف نے پارلیمنٹ کے مشترکہ اجلاس میں نہ آ کر اپنے ووٹرز کے مینڈیٹ سے انحراف کیا ہے، انہوں نے کہا کہ پارلیمنٹ میں حالیہ مشترکہ اجلاس میں پوری توجہ مسئلہ کشمیر پر ہی ہونی چاہیے تھی بہرحال پارلیمنٹ اختلاف رائے کی جگہ ہے جہاں ہر کسی کی اپنی رائے ہو سکتی ہے، اس کے علاوہ پوری دنیا کے ایوانوں میں اختلاف رائے اور ہنگامے ہوتے رہتے ہیں، انہوں نے مزید کہا کہ عمران خان سے یہ پوچھا جانا چاہیے کہ انہوں نے اسلام آباد کو بند کرنے کا اعلان اور انتشار کی پالیسی کیوں اپنائی ہے، ایک سوال کے جواب میں انہوں نے کہا کہ عمران خان اپنی مرضی کے فیصلے چاہتے ہیں حالنکہ انہیں چاہیے کہ سپریم کورٹ میں جہاں ان کی رٹ منظور ہوگئی ہے جائیں اور لگائے جانے والے الزامات کو ثابت کریں، سڑکوں پر نکلنے اور دھرنے دینے سے مسائل حل نہیں ہوتے، خرم دستگیر خان کا کہنا تھا کہ پی ٹی آئی جمہوری مزاج رکھنے والی جماعت نہیں اور وہ نریندر مودی کی اسلام آباد کو بند کرنے کی پالیسی پر عمل پیرا ہیں۔
متعلقہ عنوان :
مزید اہم خبریں
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
نیلم جہلم پراجیکٹ نے پوری صلاحیت کے مطابق 969 میگاواٹ بجلی کی پیداوار دوبارہ شروع کردی
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.