کینیا میں مشتبہ شدت پسندوں کا حملہ، 6 افراد ہلاک

جمعرات 6 اکتوبر 2016 15:23

نیروبی(اُردو پوائنٹ اخبارتازہ ترین - آئی این پی۔۔06 اکتوبر۔2016ء) افریقی ملک کینیا میں شدت پسند گروپ الشباب کے مشتبہ عسکریت پسندوں کے حملے میں 6 افراد ہلاک ہو گئے۔غیر ملکی میڈیا کے مطابق کینیا کے شمال مشرقی علاقے کے گورنر نے بتایا ہے کہ شدت پسند گروپ الشباب کے مشتبہ عسکریت پسندوں کے حملے میں 6 افراد ہلاک ہو گئے ہیں۔

(جاری ہے)

صومالیہ کی سرحد کے قریب منڈیرا کے علاقے میں الشباب کی طرف سے اکثر حملے کیے جاتے ہیں۔

الشباب کا کہنا ہے کہ جب تک کینیا کی حکومت صومالیہ سے اپنے فوجی واپس نہیں بلاتی، حملوں کا یہ سلسلہ جاری رہے گا۔ الشباب کے خلاف نبرد آزما افریقن اتحادی فورس میں کینیا کے فوجی بھی شامل ہیں۔ منڈیرا کے گورنر علی روبا کے مطابق طریقہ کار کے اعتبار سے یہ حملہ یقینی طور پر الشباب کا ہی لگتا ہے۔

Facebook Twitter Google + Share on Whatsapp

کینیا میں مشتبہ شدت پسندوں کا حملہ، 6 افراد ہلاک

متعلقہ عنوان :

مزید بین الاقوامی خبریں