آرمی چیف جنرل دلبیر سنگھ کا لائن آف کنٹرول کا دورہ ، فوجی دستوں سے ملاقات، فوجی تیاریوں کا بھی جائزہ لیا،بھارتی میڈیا
اتوار 2 اکتوبر 2016 13:15
نئی دہلی /جموں (اُردو پوائنٹ تازہ ترین اخبار۔ 2 اکتوبر- 2016ء) بھارتی فوج کے سربراہ جنرل دلبیر سنگھ نے لائن آف کنٹرول پر مبینہ سرجیکل سٹرائیک کرنے والے فوجی دستے سے ملاقات کی ہے اور سرحدی علاقوں میں فوجی تیاریوں کا بھی جائزہ لیا ۔بھارتی میڈیا نے دعویٰ کیا ہے کہ فوج کے سربراہ جنرل دلبیر سنگھ نے لائن آف کنٹرول پر مبینہ سرجیکل سٹرائیک کرنے والے فوجی دستے سے ملاقات کی ہے اور سرحدی علاقوں میں فوجی تیاریوں کا بھی جائزہ لیا ہے۔
بھارت کے اس دعوے کے بعد کہ اس نے لائن آف کنٹرول کے اس پار سرجیکل سٹرائیک کی ہے انڈین فوجی سربراہ کا کشمیر کا یہ پہلا دورہ ہے۔بھارتی اخبار ’’دی انڈین ایکسپریس‘‘نے اپنی ایک رپورٹ میں ذرائع کے حوالے سے بتایا ہے کہ فوج کے سربراہ جنرل دلبیر سنگھ نے کنٹرول لائن پر 'سرجیکل سٹرائیک' کرنے والے فوجی دستوں سے ملاقات کی ہے۔(جاری ہے)
اخبار کے کے مطابق جنرل دلبیر سنگھ نے پاکستانی سرحد سے متصل علاقوں میں انڈین فوج کی تیاریوں کا جائزہ بھی لیا ہے۔
انھوں نے ادھم پور میں مختلف کمانڈروں سے ملاقات کی اور موجودہ سکیورٹی کی صورت حال کا جائزہ لیا۔اخبار کی صفحہ اول پر یہ سرخی ہے کہ فوجی سربراہ نے شمالی کمانڈ کے ہیڈ کوارٹر میں اس دستے سے ملاقات کی جس نے مبینہ سرجیکل آپریشن میں حصہ لیا تھا۔'انڈین ایکسپریس' نے اپنے پہلے صفحے پر سرحد سے متصل دیہی علاقوں میں پھیلنے والی کشیدیگی کا ذکر بھی کیا ہے۔ اخبار نے ان خاندانوں کی تصاویر اور حالات بھی شائع کیے ہیں جنھیں سرحد پر کشیدگی کی وجہ سے اپنے گاں چھوڑنے پڑ رہے ہیں۔اطلاعات کے مطابق ایسے لوگ جنگ سے زیادہ پریشان اپنی فصل کے تعلق سے ہیں جو اس وقت کٹنے کے لیے تیار ہے اور دہشت زدہ کچھ خاندان تو اپنے ساتھ مویشی بھی لے کر بھاگ رہے ہیں۔واضح رہے کہ بھارت نے لائن آف کنٹرول پر پاکستانی علاقے میں سرجیکل سٹرائیک کا ڈرامہ کیا تھا جسے پاکستان نے سختی سے مسترد کردیا۔متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.