کنٹرول لائن پربھارتی جارحیت کے دوران پکڑے گئے بھارتی فوجی کی نانی صدمے سے چل بسی

ہفتہ 1 اکتوبر 2016 14:54

نئی دہلی (اُردو پوائنٹ اخبارتازہ ترین - آئی این پی۔۔یکم اکتوبر۔2016ء) کنٹرول لائن پر بھارتی جارحیت کے دوران مبینہ طور پر پاکستانی فورسز کے ہاتھوں پکڑے گئے بھارتی فوجی کی نانی صدمے سے چل بسی ۔ بھارتی میڈیا کے مطابق چندو بابو لال چوان کی نانی نواسے کی مبینہ گرفتاری کی اطلاع ملتے صدمے سے چل بسی۔

(جاری ہے)

بھارتی ریاست مہاراشٹرا سے تعلق رکھنے والے22 سالہ چندو چون کو مبینہ طور پر بھارتی جارحیت پر پاکستانی فورسز کی جوابی کارروائی کے دوران گرفتار کیا گیا تھا۔

بھارتی ٹی وی نے بتایا ہے کہ چندو کے والدین کو اس کے بچپن میں ہی قتل کردیا گیا تھا جس کے بعد اس کی نانی لیلا بائی پٹیل نے ہی اس کی پرورش کی۔یاد رہے کہ بھارتی میڈیا اور وزیر داخلہ راج ناتھ سنگھ نے پاکستانی فورسز کے ہاتھوں اپنے فوجی اہلکار کی گرفتاری کا دعوی کیا تھا تاہم پاکستان کی جانب سے اس تصدیق نہیں کی گئی۔