وزیر اعظم محمد نواز شریف کو فرعون کہنے پر عمران خان کو ہتک عزت کا قانونی نوٹس

فرعون کہہ کر 20 کروڑ عوام کی توہین کی ،3روز میں معافی نہ مانگی توقانونی چارہ جوئی کی جائیگی‘ متن

ہفتہ 1 اکتوبر 2016 14:41

لاہور ( اُردو پوائنٹ اخبارتازہ ترین - این این آئی۔۔یکم اکتوبر۔2016ء) تحریک انصاف کے چیئرمین عمران خان کو رائیونڈ میں جلسہ عام سے خطاب کے دوران وزیر اعظم نواز شریف کو فرعون کہنے پر ہتک عزت کا قانونی نوٹس بھجوا دیا گیا ۔ تفصیلات کے مطابق جسٹس پارٹی کے منصف اعوان کی جانب سے عمران خان کو قانونی نوٹس بھجوایا گیا ہے۔

(جاری ہے)

نوٹس میں کہا گیا ہے کہ عمران خان نے وزیر اعظم نواز شریف کو فرعون کہہ کر 20 کروڑ عوام کی توہین کی ہے۔

اگر انہوں نے 3روز میں قوم سے معافی نہ مانگی توقانونی چارہ جوئی کی جائے گی۔واضح رہے کہ جمعہ کے روز عمران خان نے رائیونڈ میں جلسہ عام کے دوران وزیر اعظم نواز شریف کو شدید تنقید کا نشانہ بنایا تھا، انہوں نے مزید جلسے نہ کرنے کا اعلان کرتے ہوئے وزیر اعظم کو احتساب کے لئے خود کو پیش کرنے کے لئے محرم تک کی ڈیڈ لائن دی ہے۔