بی آئی ایس پی پاکستان نے مستحقین کی مالی نظام میں شمولیت اور ان کی خواندگی کیلئے بہت اہم کردار ادا کیا، 5.3 ملین مستحقین بی آئی ایس پی برانچ لیس بینکنگ اکاؤنٹس کی سہولت کے ذریعے مالی معاونت وصول کررہے ہیں
ماروی میمن کا میکسیکو میں انٹرنیشنل سمپوزیم سے خطاب
جمعہ 30 ستمبر 2016 15:27
(جاری ہے)
ماروی میمن نے اس بات پر روشنی ڈالی کہ بی آئی ایس پی نے وزیر خزانہ سینیٹر اسحاق ڈار کی مالیاتی شمولیت کی حکمت عملی کی پیروی کرتے ہوئے پاکستان کی غریب ترین آبادی کو مالی نظام میں شامل کرنے کے حوالے سے بہت اہم کردار ادا کیاہے۔
بی آئی ایس پی کے 5.3ملین مستحقین ٹیکنالوجی پر مبنی نظام اور برانچ لیس بینکنگ اکاؤنٹس کی سہولت کے ذریعے مالی معاونت وصول کررہے ہیں۔ اس موقع پر خطاب کرتے ہوئے، چیئرپرسن بی آئی ایس پی نے کہا ملک بھر میں 1500ٹچ پوائنٹس سے ٹیکنالوجی کو استعمال کرتے ہوئے بروقت رقم کی منتقلی نے غریب افرادکی مالی نظام میں شمولیت میں بڑا کردار ادا کیا ہے۔ بی آئی ایس پی نے ادائیگی کے طریقہ کار کا آغاز پاکستان پوسٹ آفس سے کیا، جو بعد میں ڈیبٹ کارڈ اور موبائل فون بینکنگ سے کیا گیا اور اب ادائیگی کے نظام کو بائیومیٹرک ادائیگیوں کے نظام میں منتقل کیا جارہا ہے۔بی آئی ایس پی لیول 0 اکاؤنٹس کی جانب بڑھ رہا ہے جنہیں مکمل طور پر اسٹیٹ بینک آف پاکستان کی جانب سے چلایا جائے گا اور وہ مالی شمولیت سے متعلق سرگرمیوں کیلئے موزوں مختلف خصوصیات فراہم کرے گا۔ محترمہ ماروی میمن نے کہا کہ بی آئی ایس پی نے مستحقین کی مالی نظام میں شمولیت کیلئے ادائیگی کے مختلف طریقوں کا تجربہ کیا ہے۔ چیئرپرسن بی آئی ایس پی نے مزید کہا کہ بی آئی ایس پی کی مالی خواندگی سے مستحقین کی زندگیوں میں ایک مثبت تبدیلی آئی ہے۔ اب بی آئی ایس پی کی مستحقین کے اپنے بینک اکاؤنٹس ہیں ، وہ ATMاستعمال کرسکتی ہیں اور رقم نکلوانے کے دیگر طریقے بھی باآسانی اپناسکتی ہیں اور ان آئی ڈی کارڈز کو مارکیٹ سے متعلق دیگر سرگرمیوں کیلئے بھی استعمال کیا جاسکتا ہے۔ بی آئی ایس پی اپنی لیڈر خواتین کی تربیت کرتا ہے جو 50,000سے زائد بی آئی ایس پی بینیفشری کمیٹیوں(بی بی سی)کے ذریعے مزید مستحق خواتین کو تربیت فراہم کرتی ہیں۔تاہم، بائیومیٹرک ادائیگیاں، بلا سود قرضے ، مالی شمولیت کی نئی دنیا ای ۔ کامرس اور غربت میں کمی سے بی آئی ایس پی کی مستحقین کامستقبل وابسطہ ہے۔ ماروی میمن نے مالی شمولیت کے اس انقلاب کو پاکستانی معیشت کیلئے 'گیم چینجر'قرار دیا ہے۔ ماروی میمن کانفرنس کے دوسرے روز مختلف لاطینی ممالک کے مقررین کے ایک پینل میں شامل تھیں اورانہوں نے سامعین سے خطاب کیا۔ سامعین نے اس بات کو بے حد سراہا کہ ابتداء میں پاکستان نے ان ممالک سے سوشل سیفٹی نیٹ ماڈل کو سمجھا اور گزشتہ چند سالوں میں یہ اس قابل ہوگیا کہ اپنے تجربات اور کامیابیاں ان ممالک سے شیئر کررہا ہے۔ محترمہ ماروی میمن نے کہا کہ بی آئی ایس پی اپنے مالی نظام میں شمولیت کے ماڈل کو دنیا کے سامنے پیش کرنے پر بے حد خوش ہے۔ انہوں نے کہا کہ مجھے ایسے ادارے کی قیادت کرنے کی بے حد خوشی ہے جو اب سوشل سیفٹی نیٹس کے دنیا میں ایک رول ماڈل بن سکتا ہے۔ انہوں نے لاطینی ممالک کے جانب سے حوصلہ افزائی پر انکی تعریف کی۔متعلقہ عنوان :
مزید اہم خبریں
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
پی ٹی آئی رہنماء نے الزام لگایا کہ سعودی امداد چوروں کو مضبوط کرنے کی کڑی ہے
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.