مقبوضہ کشمیر،میر واعظ فورم کی پر امن مظاہرین پر طاقت کے وحشیانہ استعمال کی مذمت
بھارت تمام ترجبر وا ستبداد کے باوجود کشمیریوں کی جد وجہد کو دبانے میں ناکام ہو چکا ہے ،ترجمان
بدھ 28 ستمبر 2016 18:27
سرینگر (اُردو پوائنٹ تازہ ترین اخبار۔ 28 ستمبر - 2016ء) مقبوضہ کشمیر میں میر واعظ عمر فاروق کی سربراہی میں قائم حریت فورم نے بھارتی فورسز کی طرف سے پر امن مظاہرین کے خلاف طاقت کے وحشیانہ استعمال کی شدید مذمت کی ہے۔ کشمیر میڈیا سروس کے مطابق فورم کے ترجمان نے سرینگر میں جاری ایک بیان میں کہا کہ مقبوضہ وادی کشمیر اور خطہ چناب میں کشمیری اپنے پیدائشی حق، حق خود ارادیت کے لیے پر امن مظاہروں ،ریلیوں اور جلوسوں کا سلسلہ جاری رکھے ہوئے ہیں ۔
انہوں نے کہا کہ قابض بھارتی فورسز پر امن مظاہروں کے خلاف پیلٹ فائرنگ اور آنسو گیس کی شیلنگ کا سلسلہ برقرار رکھے ہوئے ہیں۔ انہوں نے ذرائع کے حوالے سے بتایا کہ پیلٹ کے اندھا دھند استعمال کے نتیجے میں جو زخمی افراد ہسپتالوں میں زیر علاج ہے ان میں روزانہ دو افراد اپنی بینائی سے محروم ہو رہے ہیں ۔(جاری ہے)
انہوں نے کہا کہ خطہ چناب کے کشتواڑ اور بھدرواہ وغیرہ میں کئی روز سے شدید کرفیو نافذ ہے جبکہ جامع مسجد کشتواڑمیں عین نماز ظہر کے وقت نمازیوں کو محاصرے میں لیا گیا۔
ترجمان نے کہا کہ وادی کشمیر سمیت خطہ چناب میں بھی رات کے وقت چھاپوں اور گرفتاریوں کا مذموم سلسلہ بھی جاری ہے اور سینکڑوں کی تعداد میں نوجوانوں کو جیلوں کی سلاخوں کے پیچھے بھیجا جاچکا ہے۔ ترجمان نے ظالمانہ، آمرانہ اور غیر جمہوری کارروائیوں کیخلاف شدید ردعمل کا اظہار کرتے ہوئے ان کی پُر زور مذمت کی ۔ترجمان نے کہا کہ بھارت تمام ترجبر وا ستبداد کے باوجود کشمیریوں کی جد وجہد کو دبانے میں ناکام ہو چکا ہے اور کشمیری عزم وہمت کے ساتھ جدوجہد جاری رکھے ہوئے ہیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.