واحد اسپورٹس شوٹنگ بال کلب نے کیری پیکر شوٹنگ بال کلب کو شکست دیکر شوٹنگ بال فیسٹیول میچ جیت لیا
بدھ 28 ستمبر 2016 17:59
کراچی (اُردو پوائنٹ تازہ ترین اخبار۔ 28 ستمبر - 2016ء) واحد اسپورٹس شوٹنگ بال کلب کورنگی کے زیراہتمام شوٹنگ بال فیسٹیول میچ کا انعقاد کیا گیا، فیسٹیول میچ واحد اسپورٹس شوٹنگ بال کلب اور کیری پیکر شوٹنگ بال کلب کے مابین کھیلاگیا، فیسٹیول میچ میں انٹرنیشنل کھلاڑی سید ظفر حسین شاہ نے بھی بطور مہمان کھلاڑی خصوصی طور پر حصہ لیا، فیسٹیول میچ کے مہمان خصوصی سندھ شوٹنگ بال ایسوسی ایشن کے نائب صدر اور واحد اسپورٹس کلب کے سرپرست ایم شمیم قریشی تھے، میچ سے قبل مہمان خصوصی ایم شمیم قریشی نے سکھر سے آنے والے پاکستان کے انٹرنیشنل کھلاڑی سید ظفر حسین شاہ کو سندھی ٹوپی کا تحفہ پیش کیا اس موقع پر شائقین نے سید ظفر حسین شاہ کا شاندار استقبال کیا، فیسٹیول میچ بیسٹ آف تھری پر مشتمل تھا، فیسٹیول میچ میں دونوں ٹیموں نے شاندار کھیل پیش کیا میچ کا پہلا سیٹ کیری پیکر شوٹنگ بال کلب نے 16-14 سے جیت کر ایک گیم کی برتری حاصل کر لی لیکن دوسرا سیٹ واحد اسپورٹس شوٹنگ بال کلب نے 08-16 سے جیت کر مقابلہ برابر کر دیاتیسرے اور آخری سیٹ کو جیتنے کے لیے دونوں ٹیموں نے شاندار کھیل کا مظاہرہ کیا لیکن فتح واحد اسپورٹس شوٹنگ بال کلب کے حصے میں آئی تیسرا سیٹ واحد اسپورٹس کلب نے 13-16 سے جیت کر فیسٹیول میچ بھی جیت لیا، دونوں ٹیموں کی جانب سے سید ظفر حسین شاہ، وسیم عباس، یار محمد، نصیر بھٹی، رضوان احمد، اعجاز احمد، اویس احمد، محمد شمیم، محمد حسنین اور خالق احمد نے شاندار کھیل پیش کیا ، فیسٹیول میچ کے موقع پر سیکریٹری کراچی شوٹنگ بال ایسوسی ایشن محمد اجمل ڈپٹی ڈائریکٹر انفارمیشن محمد ارشد سیکریٹری کے ڈی اے شوٹنگ بال ٹیم سید طالب حسین نامور گلوکار خان محمد چنا، محمد رشید، قمرالسلام پیارے ، شہباز احمد، فاروق احمد اور دیگر معزز مہمان بھی موجود تھے ۔
متعلقہ عنوان :
مزید کھیلوں کی خبریں
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
-
انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
ٹی ٹونٹی ورلڈ کپ سے قبل مڈل اوورز میں پاکستان کے سکورنگ ریٹ نے خطرے کی گھنٹی بجا دی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.