لاہور ہائیکورٹ نے محکمہ بہبود آبادی کے درجنوں کنٹریکٹ سوشل موبلائزرز کو مستقل نہ کرنے پر حکومت پنجاب اور محکمہ بہبود آبادی کو نوٹس جاری کرتے ہوئے جواب طلب کر لیا۔

عمر جمشید منگل 27 ستمبر 2016 11:06

لاہور(اُردو پوائنٹ اخبارتازہ ترین۔27 ستمبر۔2016ء) لاہور ہائیکورٹ کے جسٹس قاسم خان نے کیس کی سماعت کی۔درخواست گزاروں کے وکیل ملک اویس خالد نے موقف اختیار کیا کہ عدالتی حکم کے باوجود محکمہ بہبودی آبادی کے چندکنٹریکٹ سوشل موبلائزرز کو عہدوں پر مستقل کر کے درجنوں درخواست گزاروں کو نظر انداز کر دیا گیا ۔

(جاری ہے)

انہوں نے بتایا کہ دس سال سے کنٹریکٹ ملازمین کو مستقل نہ کیا جانا عدالتی احکامات کی خلاف ورزی اور بنیادی حقوق سے متصادم ہے۔جس پر عدالت نے حکومت پنجاب اور محکمہ بہبود آبادی کو نوٹس جاری کرتے ہوئے دس اکتوبر کوجواب طلب کر لیا۔