حکومت نے پرامن احتجاج کیخلاف کوئی ایکشن لیا تو سخت ردعمل آئیگا، عمران خان
حکومت نے اگر کارکنوں کو گرفتار کیا تو خود لوگوں کے ساتھ تھانوں کے سامنے احتجاج کرونگا ، میڈیا سے گفتگو
پیر 26 ستمبر 2016 19:26
لاہور (اُردو پوائنٹ تازہ ترین اخبار۔ 26 ستمبر - 2016ء) چیئرمین تحریک انصاف عمران خان کا کہنا ہے کہ حکومت نے پرامن احتجاج کیخلاف کوئی ایکشن لیا تو اس پر سخت ردعمل آئے گا۔حکومت نے اگر ان کے کارکنوں کو گرفتار کیا تووہ خود لوگوں کے ساتھ تھانوں کے سامنے احتجاج کریں گے ۔ 30ستمبر کو کوئی بھی رکاوٹ ڈالی گئی تو لاہور کو بند کروا دیں گے ۔کشمیریوں کی ہر فورم پر حمایت کرتے ہیں اور کسی بھی صورتحال میں پاک فوج کے ساتھ کھڑے ہیں لاہور پہنچنے کے بعد میڈیا سے گفتگو کرتے ہوئے چئیرمین تحریک انصاف عمران خان کا کہنا تھا کہ پاکستان کا آئین ہمیں پر امن احتجاج کا حق دیتا ہے ، حکومت ہمیں پرامن احتجاج کرنے دے تو کچھ نہیں ہو گا ، لیکن اگر حکومت نے کوئی ایکشن لیا تو اس پرسخت ری ایکشن آئے گا۔
ان کا کہنا تھا کہ ہم نے چار ماہ سے زائد طویل دھرنا دیا لہٰذا حکومت کو اسی طرح کا موقع دیا جانا چاہیے۔(جاری ہے)
عمران خان نے کہا کہ ملک میں جتنی زیادہ کرپشن ہو گی اتنی غربت ہو گی جب کہ پاناما پیپرز کیس پر سب سیاسی جماعتیں اکھٹی ہیں۔ ان کا کہنا تھا کہ جسٹس ریٹائرڈ وجیہہ الدین کا احترام کرتے ہیں اور وہ اگر کوئی نئی پارٹی بناناچاہتے توہم انہیں خوش آمدید کہتے ہیں۔
انہوں نے کہا کہ اگر رائے ونڈ احتجاج کے بعد بھی ان کا نہ سنی گئی تو وہ آرام سے نہیں بیٹھیں گے اور پھر جلسہ جلسہ نہیں کھلیں گے ۔ رائے ونڈ میں پورے ملک سے لوگ آئیں گے اور ریکارڈ احتجاج ہو گا ۔بعد ازاں سینئر صحافیوں سے ملاقات کے بعد میڈیا سے گفتگو کرتے ہوئے عمران خان نے کہا کہ کرپشن ملک میں کینسر کی طرح پھیل چکی ہے جس نے ملک کھوکھلا کر دیا ہے اور اداروں کو تباہ کر رہی ہے ۔ انہوں نے کشمیر میں جاری کشیدگی کے بارے میں کہا کہ بھارت جنگ چھیڑنے کی بات کر کے کشمیر کے مسئلے سے عالمی کمیونٹی کی توجہ ہٹانا چاہتا ہے ۔ پوری قوم کشمیریوں کے ساتھ ہے اور پی ٹی آئی کشمیریوں کی ہر فورم پرحمایت جاری رکھے گی ۔ کسی بھی ممکنہ جارحیت کے لیے پوری قوم پاک فو ج کے ساتھ کھڑی ہے ۔مزید اہم خبریں
-
ملک بھر میں زائد المیعاد شناختی کارڈز پر جاری موبائل سمز بند کرنے کا حکم
-
اس وقت عہدوں میں نہیں الجھنا چاہیے، میری گورنر شپ کا سفر سب کے سامنے ہے،گورنر سندھ
-
بلاول بھٹو زرداری نے پارٹی رہنماءاخونزادہ چٹان پر حملہ کرنے والوں کی گرفتاری کا مطالبہ کردیا
-
پنجاب حکومت کا خصوصی افراد کیلئے ”ہمت کارڈ“ اور”نگہبان کارڈ“جاری کرنے کافیصلہ
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال
-
جنرل (ر) فیض حمید کیخلاف انکوائری، نجی ہاؤسنگ سوسائٹی معاملے پر کمیٹی بنادی گئی
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.