چین جینیاتی بینک قائم کرنے والا چوتھا ملک بن گیا

جمعرات 22 ستمبر 2016 21:49

شنگھائی (اُردو پوائنٹ اخبارتازہ ترین - آئی این پی۔22ستمبر ۔2016ء ) چین کے پہلے قومی جینیاتی بنک نے جنوبی شہر شین ڑین میں کام شروع کر دیا ہے۔ چین میں قائم کیا گیا جین بنک‘ امریکہ، یورپی یونین اور جاپان کے بعددنیا کا چوتھا جینیاتی بنک ہے۔ تفصیلات کے مطابق جینیاتی بنک کا افتتاح گزشتہ روزکیا گیا جس کے قیام کے مقاصد میں جین کا تحفظ، مطالعہ اور اچھے جینیاتی وسائل سے استفادہ ہے۔

(جاری ہے)

جین بنک 2011 میں بیجنگ کے مطالعہ جینوم انسٹیٹیوٹ کے تعاون سے قیمتی جینیاتی وسائل کے تحفظ ، جین پر تحقیق اوراستعمال کیلئے قائم کیا گیا تھا جس سے نہ صرف ملک کی جینیاتی معلومات کا تحفظ ہوگا بلکہ جنیٹک صنعت کے علاوہ امراض کی تشخیص و علاج میں بھی مدد ملے گی۔قومی جین پول جانوروں اور پودوں کی جینیاتی معلومات اور حیاتیاتی نمونوں کے ڈیٹابیس‘ ڈیجیٹل پلیٹ فارم اور جین ایڈیٹنگ پلیٹ فارم پر مشتمل ہے۔ جین بنک کے صدر وانگ جیانگ نے کہا مستقبل میں حیاتیاتی سائنسز کی ترقی اور فروغ کیلئے آج کے دور میں جین بنک انتہائی اہم اور ایک قومی خزانے کی حیثیت رکھتا ہے۔

Facebook Twitter Google + Share on Whatsapp

چین جینیاتی بینک قائم کرنے والا چوتھا ملک بن گیا

متعلقہ عنوان :

مزید بین الاقوامی خبریں