صوبائی وزیر لائیو اسٹاک محمد علی ملکانی نے 2014میں جھٹ پٹ مارکیٹ لیاری کے بم دھماکہ کے 48متاثرین میں امدادی چیک تقسیم کئے
جمعرات 22 ستمبر 2016 21:38
کراچی (اُردو پوائنٹ اخبارتازہ ترین - این این آئی۔22ستمبر ۔2016ء) صوبائی وزیر لائیو اسٹاک محمد علی ملکانی نے کمشنر آفس کراچی میں2014میں جھٹ پٹ مارکیٹ لیاری کے بم دھماکہ کے 48متاثرین میں امدادی چیک تقسیم کئے اس موقع پر لیاری سے منتخب ایم پی اے ثانیہ ناز ،جاوید ناگوری ،کمشنر کراچی اعجاز علی خان ،ڈپٹی کمشنر جنوبی سلیم احمد راجپوت ،ڈی ایم سی جنوبی کے چیئر مین ملک فیاض کے علاوہ پیپلز پارٹی ضلع جنوبی کے رہنما حاجی قاسم بلوچ،خالق جان ،اسلیم بلوچ ،خلیل ہوتھ ،اقبال بلوچ ،نوید بلوچ کے علاوہ بم دھماکے کے شہداکے لواحقین اور زخمی ہونے والے افراد نے شرکت کی امدادی چیک11شہداکے لواحقین کو پانچ پانچ لاکھ روپے اور زخمی ہونے والے37افراد کو ایک ایک لاکھ روپے دیئے گئے ۔
اس موقع پر صوبائی وزیر لائیو اسٹاک محمد علی ملکانی نے کہا کہ ہم شہداکے لواحقین کے ساتھ اس غم میں برابر کے شریک ہیں ہم ان کے غم کا مداوا نہیں کرسکتے لیکن داد رسی کرکے ازالہ کرنے کی کوشش کررہے ہیں ۔(جاری ہے)
چیئر مین پی پی پی بلاول بھٹو زرداری کی ہدایات کی روشنی میں ان کی سالگرہ کے موقع پر ضرورت مندوں کی امداد اور داد رسی کی جارہی ہے۔ان کی سالگرہ سادگی سے مناتے ہوئے اسپتالوں اسکولوں اور ضرورت مند لوگوں کے ساتھ ہمدردی کااظہار کیا جارہا ہے ۔
انہوں نے کہا کہ لیاری کے عوام کو ہم نے کبھی نہیں بھلایا بلکہ پیپلز پارٹی ہمیشہ لیاری کے عوام کے ساتھ ہر دکھ سکھ میں شریک رہی ہے ۔یہ افسوس ناک واقع جنہوں نے بھی کیا وہ انسان کہلانے کے مستحق نہیں تھے نلکہ حیوان سے بھی بدتر تھے جو انسان اور انسانیت کے خلاف تھے ہم اپنے قانون نافذ کرنے والے اداروں رینجرز اور سندھ پولیس کی مدد سے ان کا خاتمہ یقینی بنائیں گے ۔کراچی جو روشنیوں کا شہر کہلاتا تھا دوبارہ روشنیوں کے شہر میں تبدیل ہورہا ہے ۔لیاری میں امن وامان قائم ہورہا ہے یہاں کے نوجوانوں کو روزگار فراہم کرنے کے لئے حکومت اقدامات کررہی ہے ۔شہداکی زندگیاں ہم سب کے لئے اہمیت کی حامل تھیں اس موقع پر ایم پی اے ثانیہ ناز ،جاوید ناگوری اور ملک فیاض نے بھی ہمدردی کا اظہار کرتے ہوئے کہا کہ ہم ان شہداکے لواحقین کے ساتھ ہیں ۔دیر سے امداد دینے پر معذرت خواہ ہیں جو کام جلد ہونا چاہئے تھا لیکن سرکاری معاملات کی وجہ سے اس میں تاخیر ہوئی جس کا اعادہ آئندہ نہیں ہوگا ۔انہوں نے کہا کہ دہشت گردی کا ڈٹ کر مقابلہ کررہے ہیں کراچی سمیت سندھ بھر میں امن بحال ہورہا ہے ۔لیاری کے عوام کو بنیادی سہولیات فراہم کرنے کے لئے ٹھوس اقدامات کررہے ہیں لیاری کے نوجوانوں روزگار فراہم کرنے کے لئے کراچی کے صنعت کاروں کا آگے آنا چاہئے ۔وفاقی حکومت اپنا رویہ درست کرتے ہوئے دوہرا معیار ختم کرے عوام کی فلاح وبہبود کے اقدامات کرنے پر سابق وزیر اعلی سید قائم علی شاہ ، موجودہ وزیر اعلی سید مراد علی شاہ اور محترمہ فریال تالپور سمیت پیپلز پارٹی کی اعلی قیادت کو خراج تحسین پیش کرتے ہیں۔متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.