پنجاب حکومت بیرونی سرمایہ کاروں کو منافع بخش ماحول فراہم کر رہی ہیں ‘ ڈاکٹر فرخ جاوید
زرعی آلات اور مشینری پر سبسڈی ، جبکہ چھوٹے کاشتکاروں کو بلا سود قرضے فراہم کئے جا رہے ہیں ‘صوبائی وزیر
بدھ 21 ستمبر 2016 21:09
لاہور(اُردو پوائنٹ اخبارتازہ ترین - این این آئی۔21ستمبر ۔2016ء ) صوبائی وزیر زراعت ڈاکٹر فرخ جاوید نے کہا ہے کہ حکومت پنجاب نے صوبہ میں بیرونی سرمایہ کاروں کو سرمایہ کاری کے لئے منافع بخش ماحول فراہم کیا ہے ، دوست ملک چین کے تعاون سے انرجی ، انڈسٹری ، زراعت سمیت متعدد شعبوں میں کام جاری ہے ،پاک چین اقتصادی راہداری کے منصوبوں پر تیزی سے کام ہو رہا ہے ، پنجاب میں سرمایہ کاری کا اس وقت بہترین ماحول موجود ہے - ان خیالات کا اظہار صوبائی وزیر زراعت نے زرعی شعبہ میں کام کرنے والی چینی سرمایہ کار کمپنی کے وفد سے ملاقات کرتے ہوئے کیا - ڈاکٹر فرح جاوید نے کہا کہ زراعت میں حکومت پنجاب نے انقلابی اقدامات کئے ہیں - زرعی آلات اور مشینری کی خریداری پر کسانوں کو سبسڈی فراہم کی جا رہی ہے - زراعت میں فی ایکڑ پیداوار بڑھٖانے اور پیداواری لاگت کو کم کرنے کے لئے حکومت بیشتر منصوبوں پر عمل پیرا ہے - کسانوں کو مڈل مین سے چھٹکارا دلوانے کے لئے ساڑھے بارہ ایکڑ سے کم کاشتکاروں کو بلا سود آسان اقساط پر قرضے فراہم کئے جا رہے ہیں - اس کے علاوہ یوریا اور کھاد پر سبسڈی دی جا رہی ہے -وفد سے گفتگو کرتے ہوئے ڈاکٹر فرخ جاوید نے کہا کہ چین ہمارا ہمسایہ ملک ہے اور چینی سرمایہ کاروں کو پنجاب حکومت پر بھر پور اعتماد ہے - زرعی شعبہ میں بین الاقوامی مارکیٹ سے مقابلہ کرنے کے لئے چین سے ٹیکنالوجی اور دیگر آلات میں معاونت حاصل کر رہے ہیں - وفد کے سربراہ نے صوبائی وزیر چینی مصنوعات کے معیار اور مارکیٹ کے مقابلے کم قیمت کے حوالے سے بریفنگ دی - آخر میں وفد کے سربراہ نے صوبائی وزیر کو اپنی مصنوعات کا ماڈل پیش کیا -
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.