ڈاکٹر طاہر القادری نے سانحہ ماڈل ٹاؤن کیس کے سلسلے میں اوورسیز رہنماؤں پر مشتمل 6 رکنی کمیٹی تشکیل دیدی
نیب اور ایمنسٹی سکیموں سے کرپشن اور معاشی دہشت گردی کو فروغ ملا ‘نواز حکومت ٹیکس چوروں کو ریلیف دینے کیلئے اپنے عہد اقتدار کی چوتھی ایمنسٹی سکیم لارہی ہے،جس ملک کے حکمران خاندان کا اپنا پیسہ باہر ہو وہاں کوئی غیر ملکی پیسہ کیوں لائے گا؟ ‘ویڈیو لنک پر خطاب
بدھ 21 ستمبر 2016 19:46
لاہور ( اُردو پوائنٹ اخبارتازہ ترین - این این آئی۔21ستمبر ۔2016ء) پاکستان عوامی تحریک کے قائد ڈاکٹر طاہر القادری نے کہا ہے کہ نیب اور ایمنسٹی سکیموں سے کرپشن، معاشی دہشت گردی اور مک مکا کو فروغ ملا ،نواز حکومت ٹیکس چوروں، منی لانڈررز اور دو نمبر ذرائع سے دولت کمانے والوں کیلئے اپنے اقتدار کی چوتھی اور مجموعی طور پر 11 ویں ایمنسٹی سکیم لارہی ہے جس کا فائدہ بھی خزانے سے زیادہ حکمران اور ان کے حواری اٹھائیں گے۔
وہ گزشتہ روز ویڈیو لنک پر ہالینڈ، فرانس اور یہاں کورکمیٹی کے ممبران سے خطاب کررہے تھے۔ سربراہ عوامی تحریک نے سانحہ ماڈل ٹاؤن کیس انسانی حقوق کے عالمی فورمز پر اٹھانے کیلئے عوامی تحریک اور تحریک منہاج القرآن کے اوورسیز رہنماؤں پر مشتمل 6 رکنی کمیٹی تشکیل دینے کا اعلان کیا ۔(جاری ہے)
کمیٹی میں یو کے سے خالد محمود اور داؤد مشہدی، ہالینڈ سے فیصل مرزا اور تسنیم صادق،فرانس سے اظہر صدیق اور محمد اعظم شامل ہیں۔
6 رکنی کمیٹی کا سربراہ خالد محمود جبکہ کوآرڈینیٹر داؤد مشہدی کو مقرر کیا گیا ہے۔کمیٹی سانحہ ماڈل ٹاؤن کیس کے ڈارفٹ کو برٹش لاء فرم کے ساتھ مل کر حتمی شکل دے گی اور سانحہ ماڈل ٹاؤن کیس کو انٹرنیشنل کریمینل کورٹ، یونائیٹڈ نیشن، ہیومین رائٹس کونسل اور دیگر انسانی حقوق کے عالمی فورمز پر اٹھانے کے حوالے سے اپنا کردار ادا کرے گی۔ڈاکٹر طاہر القادری نے کہا کہ موجودہ حکمرانوں نے قوم سے جتنے بھی وعدے کیے وہ سب جھوٹ ثابت ہوئے۔ کشکول توڑنے کا جھوٹا وعدہ بھی اس میں شامل ہے۔غیر ملکی قرضوں نے ملکی معیشت کا بیڑہ غرق کر دیا۔ قومی غیرت گروی رکھ کر دھڑا دھڑ قرضے لیے جارہے ہیں جس کا سود آئندہ کئی نسلیں ادا کرتی رہیں گی۔ انہوں نے کہا کہ 60 ء کی دہائی سے لیکر آج کے دن تک 10 ایمنسٹی سکیمیں آئیں جس کا فائدہ صرف اور صرف ٹیکس چوروں ،ڈرگ سمگلرز اور منشیات فروشوں کو پہنچا۔بار بار ایمنسٹی سکیموں سے ٹیکس چوروں کے حوصلے بڑھائے گئے جس کی قیمت عام آدمی بجلی، گیس کے مہنگے بلوں ،جی ایس ٹی میں غیر قانونی اضافہ اور اشیائے خورونوش کی قیمتوں میں مصنوعی اضافے کی صورت میں بھگت رہا ہے۔حکمران بتائیں کیا انہوں نے بجلی ،گیس اور اشیائے خورونوش کی قیمتوں میں کمی کے حوالے سے بھی کسی ایمنسٹی سکیم کا اعلان کیا؟انہوں نے کہا کہ حکومت کی کرپشن اور کمیشن پر مبنی معاشی فیصلوں کے باعث غیر ملکی سرمایہ کاری میں رواں سال 53فیصد تک کمی ریکارڈ کی گئی ہے جس کی تصدیق سٹیٹ بینک کی رپورٹ بھی کررہی ہے۔ انہوں نے کہا کہ جس ملک کا وزیراعظم ،ان کے بیٹے اور خاندان کے دیگر افراد اپنا سرمایہ ملک سے باہر رکھیں وہاں کوئی غیر ملکی اپنا سرمایہ کیوں لائے گا۔متعلقہ عنوان :
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.