امریکہ میں بسنے والے مسلمان اپنے اردگرد مشکوک سرگرمیوں پر نظر رکھیں، تارکین وطن نے امریکہ کو اپنے اور اپنی آنے والی نسلوں کیلئے رہائش کی جگہ چنا ہے، اس لئے ہم دہشت گردی کے اقدام یا اپنے ساتھی امریکی شہریوں کو نقصان پہنچانے کی کوشش کی حوصلہ افزائی نہیں کر سکتے
کشمیر سالیڈیٹری کونسل آف نارتھ امریکہ کے چیئرمین جاوید راٹھور کا بیان
پیر 19 ستمبر 2016 21:02
شکاگو (اُردو پوائنٹ اخبارتازہ ترین - آئی این پی۔19ستمبر ۔2016ء) کشمیر سالیڈیٹری کونسل آف نارتھ امریکہ کے چیئرمین جاوید راٹھور نے کہا ہے کہ امریکہ میں بسنے والے مسلمانوں کو اپنے اردگرد مشکوک سرگرمیوں پر نظر رکھنی چاہیے۔ تارکین وطن نے امریکہ کو اپنے اور اپنی آنے والی نسلوں کیلئے رہائش کی جگہ چنا ہے اس لئے ہم دہشت گردی کے اقدام یا اپنے ساتھی امریکی شہریوں کو نقصان پہنچانے کی کوشش کی حوصلہ افزائی نہیں کر سکتے۔
پیر کو اپنے بیان میں انہوں نے کہا کہ اگرچہ کچھ لوگ امریکہ کی بعض پالیسیوں اور میڈیا کی طرف سے پیدا کئے گئے اسلامو فوبیا کی وجہ سے مایوس ہیں اور اختلاف رکھتے ہیں لیکن اس کا یہ مطلب نہیں کہ امریکہ میں بسنے والے مسلمان امریکہ کے خلاف ہیں۔ امریکن مسلمان امریکہ سے محبت کرتے ہیں اور ہر طرح کی دہشت گردی کی شدید مذمت کرتے ہیں۔(جاری ہے)
امریکہ ایک جمہوری ملک ہے اور اس کے شہریوں کو آئین کی حدود کے اندر رہ کر حکومت کی پالیسیوں پر تنقید کرنے کا پورا حق حاصل ہے۔
امریکی مسلمان امن ‘ احترام اور آزادی کے ساتھ رہنا چاہتے ہیں اس لئے ہمیں زیادہ توانا آواز میں دہشت گردی کی مخالفت کرنی چاہیے۔ بالخصوص ایسے وقت میں کہ جب امریکہ میں بعض عناصر مسلمانوں بالخصوص تارکین وطن کیخلاف نفرت پھیلانے کی کوشش کر رہے ہیں۔ اگر کوئی فرد امریکہ میں دہشت گردی کا مرتکب ہوتا ہے تو اس کا یہ مطلب نہیں کہ اسے مسلم کمیونٹی کی حمایت حاصل ہے۔ اگر کوئی مسلمان ایسا کرتا ہے تو یہ اس کا ذاتی فعل ہے جو مسلم دنیا میں ہونے والے واقعات کا ردعمل ہو سکتا ہے۔ امریکہ کیلئے ضروری ہے کہ وہ اس طرح کے جذبات کی بیخ کنی کیلئے اور اپنے شہریوں کے تحفظ کیلئے دور رس اقدامات کرے۔ ہم امریکی مسلمان کے طور پر امریکہ سے محبت کرتے ہیں ہمیں امن سے پیار ہے ہم امن چاہتے ہیں اور امریکہ سمیت دنیا بھر میں ہر انسانی زندگی کی حرمت کا احترام کرتے ہیں۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.