یورپی یونین اور امریکا کے درمیان ٹریڈ ڈیل پر مذاکرات
جرمنی کے کئی شہروں میں مظاہرے اور احتجاجی ریلیاں
اتوار 18 ستمبر 2016 14:58
برلن(اُردو پوائنٹ تازہ ترین اخبار۔ 18 ستمبر - 2016ء) یورپی یونین اور امریکا کے درمیان ٹریڈ ڈیل پر مذاکرات شروع ہونے والے ہیں۔ اس مذاکراتی عمل کے خلاف جرمنی کے کئی شہروں میں مظاہرے اور احتجاجی ریلیاں نکالی گئیں۔کئی جرمن شہروں میں خراب موسم بھی مظاہرین کے راستے کی دیوار نہ بن سکا۔ مظاہروں کی منصوبہ بندی کرنے والوں کی ترجمان کیتھرین اوٹاوی کا کہنا تھا کہ برلن و میونخ میں بارش نے بھی مظاہرین کے مزاج پر کوئی اثر نہیں ڈالا اور وہ اِن ریلیوں میں بڑے پیمانے پر شریک ہوئے۔
ان مظاہروں کے سینکڑوں شرکا اوقیانوس کے آرپار اس مجوزہ ڈیل کی مخالفت میں بینرز اٹھائے ہوئے تھے۔ بعض بینرز پر جلی حروف میں لکھا تھا، ’ڈیموکریسی نا کہ ٹی ٹی آئی پی‘۔ کچھ پر درج تھا، ’دوسروں کے ساتھ بانٹیے، انہیں تقسیم مت کرو‘۔(جاری ہے)
مظاہروں کی پلاننگ میں کئی غیرسرکاری تنظیمیں، سیاسی پارٹیاں، ٹریڈ یونینز اور عالمگیریت کے مخالف گروپ وحلقے شریک تھے۔
عالمگیریت کے مخالف ایک سرگرم گروپ اتاق کے مطابق سات جرمن شہروں میں اِس تجارتی معاہدے کے خلاف تقریباً ڈھائی لاکھ افراد نے شرکت کی۔اوقیانوس کے دونوں اطرف کے ممالک کے درمیان تجارتی و سرمایہ کاری معاہدے کے مذاکرات ایک مرتبہ پھر اگلے مہینے اکتوبر میں شروع ہونے والے ہیں۔ امریکی صدر کی خواہش ہے کہ وہ منصبِ صدارت چھوڑنے سے قبل اِس ڈیل کو کوئی حتمی صورت دے دیں۔ اگر ڈیل طے پا جاتی ہے تو دنیا کا سب سے بڑا فری ٹریڈ علاقہ معرضِ وجود میں آ جائے گا جہاں ساڑھے آٹھ سو ملین کنزیومرز ہوں گے۔بیشتر تجارتی ماہرین اور کاروباری سوداگر بھی اِس ڈیل کے حق میں ہیں۔ کینیڈا کے ساتھ ایک چھوٹے پیمانے پر ڈیل کو حتمی شکل دے دی گئی ہے اور دستخط اکتوبر میں ہو جائیں گے۔ اس ڈیل کو کینیڈا یورپی یونین ٹریڈ ایگریمنٹ قرار دیا گیا ہے۔ ابھی یہ طے نہیں کہ مستقبل میں اوقیانوس کے آرپار کی تجارتی ڈیل طے ہونے پر کینیڈا کا ایگریمنٹ بھی بڑی ڈیل میں شامل کر دیا جائے گا۔یہ مذاکراتی عمل سن 2013 سے شروع ہے لیکن اِس میں ابھی تک کوئی پیش رفت سامنے نہیں آ سکی ہے۔ اسی تناظر میں جرمنی کے نائب چانسلر اور وزیر اقتصادیات زیگمار گابریل نے دو ہفتے قبل کہا تھا کہ کہ ٹی ٹی آئی پی کی ڈیل ناکامی سے دوچار ہو چکی ہے۔ یہ بھی ایک عام حقیقت ہے کہ جرمن شہریوں میں اِس ڈیل کے بعد کی ممکنہ صورت حال کے بارے میں شکوک و شہبات میں مسلسل اضافہ ہو رہا ہے۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.