امریکہ اور کینیڈا سے تجارتی معاہدوں کے خلاف یورپ میں مظاہرے
اتوار 18 ستمبر 2016 11:43
برلن ۔ 18 ستمبر (اُردو پوائنٹ تازہ ترین اخبار۔ 18 ستمبر - 2016ء) جرمنی کے کئی بڑے شہروں میں ہفتے کے روز لوگوں کی ایک بڑی تعداد نے یورپی یونین امریکہ اور کینیڈا کے ساتھ آزاد تجارتی معاہدوں کے طے شدہ منصوبے کے خلاف احتجاج کیا۔بحراوقیانوس سے باہر کے ملکوں کے ساتھ تجارت اور سرمایہ کاری میں شراکت یعنی TTIP اور کینیڈا یورپی یونین کے جامع اقتصادی اور تجارتی معاہدے یعنی CETA کے مخالفین کا کہنا ہے کہ یہ معاہدے جمہوریت ، خوراک کے تحفظ، ماحول اور کارکنوں کے معیار سے متعلق اقدامات پر منفی اثر ڈال سکتے ہیں۔
جرمنی کے شہر برلن میں مظاہرین نے بینر لہرائے جن پر CETA اور TTIP کے خلاف نعرے درج تھے۔ماحول کے تحفظ کے سرگرم کارکنوں ، مزوروں کی انجمنوں اور حزب اختلاف کی جماعتوں، جنہوں نے مظاہروں کا بندوبست کیاتھا، کہا ہے کہ لوگوں نے برلن، فرینک فرٹ، ہیمبرگ، میونخ، لائپزش، کولون اور شٹوٹگارٹ میں ہونے والے مظاہروں میں شرکت کی۔(جاری ہے)
پولیس کا کہنا ہے ان مظاہروں میں تقریباً ایک لاکھ اسی ہزار افراد شریک ہوئے اور یہ احتجاج پر امن رہا۔
آسٹریلیا کے شہروں ویانا اور سالزبرگ، سویڈن کے سٹاک ہوم سمیت کئی دوسرے یورپی شہروں میں بھی مظاہروں کا انتظام کیا گیا تھا۔تجارتی معاہدوں کے حامیوں کا کہنا ہے کہ ان سے عالمی معیشت کے فروغ میں مدد ملے گی۔کینیڈا کے ساتھ CETA نامی معاہدے پر مذاکرات مکمل ہوچکے ہیں اور یہ معاہدے یورپی یونین کے رکن ملکوں کی جانب سے منظوری کے منتظر ہیں۔جب کہ امریکہ کے ساتھ TTIP پر ابھی تک بات چیت جاری ہے اور اس سلسلے کا اگلا دور اکتوبر میں نیویارک میں منعقد ہوگا۔ اوباما انتطامیہ نومبر میں براک اوباما کے صدارتی عہدے کی مدت پوری ہونے سے پہلے معاہدہ طے ہو جانے کی توقع کررہی ہے۔مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.