مقبوضہ کشمیر میں اڑی کے قریب فوجی ہیڈکوارٹرز پر مسلح افراد کاحملہ‘ جھڑپوں کا سلسلہ جاری ہے اب تک18 بھارتی فوجی ہلاک اوردرجنوں زخمی ہوچکے ہیں۔ بھارتی وزیر داخلہ راج ناتھ نے روس اور امریکا کا دورہ منسوخ کر دیا‘ حملہ آوروں کی تعداد 4 تھی جن پر قابو پانے کیلئے مزید نفری طلب کرلی گئی ہے۔بھارتی حکام
میاں محمد ندیم اتوار 18 ستمبر 2016 10:42
سری نگر(اردو پوائنٹ اخبارتازہ ترین-انٹرنیشنل پریس ایجنسی۔18 ستمبر۔2016ء) مقبوضہ کشمیر میں ضلع بارہ مولہ کے قصبے اڑی کے قریب فوجی ہیڈکوارٹرز پر مسلح افرادکے حملے کے بعد جھڑپوں کا سلسلہ جاری ہے اب تک حملے میں18بھارتی فوجی ہلاک اوردرجنوں زخمی ہوئے ہیں۔ بھارتی وزیر داخلہ راج ناتھ نے روس اور امریکا کا دورہ منسوخ کر دیا۔ مقبوضہ کشمیر میں اڑی سیکٹر میں واقع بھارتی فوج کے بریگیڈ ہیڈ کوارٹرز پر حملہ مسلح افراد نے حملہ مقامی وقت کے مطابق صبح ساڑھے پانچ بجے کیاگیا۔
حملے کے بعد علاقہ فائرنگ اور دھماکوں سے گونج اٹھا۔بھارتی ذرائع ابلاغ کے مطابق حملہ آوروں اور فوجیوں میں شدید فائرنگ کا سلسلہ جاری ہے۔ فوجی ہیڈ کواٹرز کے اندر سے دھوئیں کے بادل اٹھتے دیکھے گئے ، کئی بارکوں میں بھی آگ لگ گئی ۔(جاری ہے)
بھارتی حکام کا کہنا ہے کہ حملہ آوروں کی تعداد 4 تھی جن پر قابو پانے کیلئے مزید نفری طلب کرلی گئی ہے۔ ہیلی کاپٹر کی مدد سے بھی علاقے کی نگرانی کی جا رہی ہے۔
دوسری جانب بھارتی فوج معاملے کو چھپانے کی کوشش کررہی ہے بھارتی فوج کے ایک ترجمان نے کہا ہم لوگ اس بات کی تصدیق کر رہے ہیں کہ آیا یہ حملہ بریگیڈ کے ہیڈ کوارٹر پر ہوا ہے یا پھر شہر میں کسی دوسری تنصیب پر۔خیال رہے کہ اڑی شہر لائن آف کنٹرول کے قریب ہے اور فوجی حکام نے خدشہ ظاہر کیا ہے کہ یہ حملہ آور رات کے کسی حصے میں ایل او سی پار کرکے شہر میں داخل ہوئے ہوں گے۔حملے نے فوجی حکام کو حیرت زدہ کر دیا ہے کیونکہ اس علاقے میں فوج کی بہت زیادہ موجودگی ہے اور کشمیر کی تازہ ترین صورت حال میں وہاں بہت چوکسی برتی جا رہی ہے۔ ایک بھارتی جریدے کی رپورٹ کے مطابق اتوار کو علی الصبح 5 بجکر 30 منٹ پر نامعلوم تعداد میں مسلح افراد انڈین فوج کی 12 ویں بریگیڈ ہیڈکوارٹرز میں داخل ہوئے اور فائرنگ شروع کردی۔یہ فوجی مرکز لائن آف کنٹرول کے قریب ہے جہاں سرحدی تنازع کی وجہ سے پہلے ہی سیکیورٹی بہت زیادہ سخت ہوتی ہے۔حملے کے بعد فوج کے خصوصی دستوں کو ہیلی کاپٹر کی مدد سے اڑی میں اتارا گیا جبکہ اڑی اور لائن آف کنٹرول کی طرف جانے والی سڑکوں کی سیکیورٹی سخت کردی گئی ہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.