عدم تشدد اور برداشت کی سیاست پر یقین رکھتے ہیں،سربراہ پاکستان سنی تحریک محمد ثروت اعجاز قادری
ہمیں پاک دھرتی کی بقاء وسلامتی اور پائیدار امن کے لئے کرپشن اور دہشتگردی کے گٹھ جوڑ کو توڑنا ہوگا ،ثروت اعجاز قادری
ہفتہ 10 ستمبر 2016 22:05
کراچی (اُردو پوائنٹ اخبارتازہ ترین - این این آئی۔10ستمبر ۔2016ء) سربراہ پاکستان سنی تحریک محمد ثروت اعجاز قادری نے کہا ہے کہ عدم تشدد اور برداشت کی سیاست پر یقین رکھتے ہیں ،تشدداور عدم برداشت کی سیاست کرنیوالوں نے کراچی کے حالات کو خراب کیا ،قومی ایکشن پلان صرف کراچی کیلئے نہیں پورے ملک کے لئے امن اور دہشتگردی کے خاتمے کی ضمانت ہے ،دہشتگرد آخری سانس لے رہے ہیں بزدل دہشتگرد عوام کی جان ومال سے کھیل رہے ہیں ،دہشتگردی کو ختم کرنے کے لئے ایسے تمام راستے بند کرنے ہونگے جس سے دہشتگردوں کو آکسیجن ملتی ہے ،دہشتگردی کو طول دینے میں کرپشن سب سے بڑا ذریعہ ہے کرپشن کی روک تھام اور لوٹی گئی رقم واپس لانے کیلئے پاک فوج کو کام کرنا چاہیے ،کرپٹ عناصر حکومت میں ہوں یا اپوزیشن میں یا کسی ادارے میں عوام کے سامنے بے نقاب کرکے منطقی انجام تک پہنچانا ہوگا ،ان خیالات کا اظہار انہوں نے اپنی رہائشگاہ قادری ہاؤس پر ملاقات کے لئے آئے ہوئے وفود سے گفتگو کرتے ہوئے کیا ،ثروت اعجاز قادری نے کہا کہ پاکستان عظیم نعمت ہے آج ہم جو آزادی کی سانس لے رہے ہیں اس پر جتنا شکر بجالائیں کم ہے ،دہشتگردی کے ساتھ کرپشن کے خلاف بھی سخت فوجی آپریشن ہونا ضروری ہے ،ہمیں پاک دھرتی کی بقاء وسلامتی اور پائیدار امن کے لئے کرپشن اور دہشتگردی کے گٹھ جوڑ کو ہر حال میں توڑنا ہوگا ،انہوں نے کہا کہ حکومت عوام کی فلاح وبہبود کیلئے ترجیعی ہی بنیادوں پر کام کرئے ،عوام جمہوریت کے مسلسل تسلسل کے باوجود آج بھی بنیادی حقوق سے محروم ہیں ،جمہوریت تو عوام کو ان کے حقوق مہیا کرتی ہے ،حکمرانوں کو اپنا طرز حکمرانی بدلنا ہوگا ،وہ اپنے آپ کو بادشاہ سمجھنے کی بجائے عوام کا خادم بن کر کام کریں ،عوام کے حقوق کا استحصال ہونے نہیں دینگے ،مظلوم غریب عوام کے مسائل کے حل کیلئے آواز بلند کرتے رہینگے ۔
مزید قومی خبریں
-
مفکر پاکستان شاعرمشرق ڈاکٹر سر علامہ محمد اقبال کا یوم وفات 21اپریل( اتوار) کو منایا جائے گا
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.