واحد ٹی ٹونٹی ،سرفراز الیون نے پاکستان کو ”سرفراز“کردیا، 9وکٹوں سے فتحیاب
جمعرات 8 ستمبر 2016 01:15
مانچسٹر(اردو پوائنٹ تازہ ترین اخبار7 ستمبر۔2016ء ) واحد ٹی ٹونٹی میچ میں سرفراز الیون نے پاکستان کو ”سرفراز “کردیا ،میزبان ٹیم کو 9وکٹوں سے شکست دیکر ٹرافی اپنے نام کرلی ۔ اولڈ ٹریفورڈ گراؤنڈ کھیلے جارہے میچ میں انگلش کپتان این مورگن نے جیت کر پہلے بیٹنگ کا فیصلہ کیا۔ الیکس ہیلز اور جیسن روئے نے ٹیم کو 6 اوورز میں 56 رنز کا جارحانہ آغاز فراہم کیا تاہم عماد وسیم نے جیسن روئے کو 21 رنز پر پویلین بھیجا اور پھر اپنے اگلے ہی اوور کی پہلی گیند پرایلکس ہیلز کو 37 رنز پر آؤٹ کیا۔
جو روٹ اگلے ہی اوور کی پہلی گیند پر 6 رنز بناکر شعیب ملک کو کیچ دے بیٹھے ۔قومی باؤلرز کی نپی تلی بولنگ کی وجہ سے انگلش بیٹسمن زیادہ کھل کر جارحانہ بیٹنگ کا مظاہرہ نہ کرسکے ، جوز بٹلر 16، کپتان این مورگن 14، بین سٹوکس 4 رنز بنا کر آؤٹ ہوئے ۔(جاری ہے)
پاکستان کی جانب سے وہاب ریاض نے 3 جب کہ عماد وسیم اور حسن علی نے 2،2 وکٹیں حاصل کیں۔136رنز کے ہدف کے تعاقب میں شرجیل خان اور خالد لطیف نے اننگز کا آغاز کیا اور انگلش باؤلروں کا مار مار کر بھرکس نکال دیا۔
قومی اوپننگ جوڑی نے پہلی وکٹ پر107 رنز جوڑے ، شرجیل خان نے 30 گیندوں پر 3 چھکوں اور 7 چوکوں کی مدد سے اپنی نصف سنچری مکمل کی ، ٹیم کا مجموعی سکور 107 تک پہنچا تو وہ 59 رنز بنا کر عادل رشید کی گیند پر کیچ آؤٹ ہوگئے ۔ شرجیل کے آؤٹ ہونے کے بعد بابراعظم خالد لطیف کے ہمراہ انگلینڈ کو مزید کسی وکٹ سے محروم رکھتے ہوئے پاکستان کو فتح دلا دی۔خالد لطیف 59اور بابر اعظم 15رنز بنا کر ناٹ آؤٹ رہے۔اس سے قبل ٹاس جیتنے کے بعد کپتان این مورگن کاکہنا تھا کہ پاکستانی ٹیم اچھاکھیل رہی ہے اس لیے آج کا میچ آسان نہیں ہوگا۔ پاکستانی کپتان سرفراز احمد کا کہنا تھا کہ وہ بھی ٹاس جیت کربیٹنگ کو ہی ترجیح دیتے،یہ میچ جیت کر دورے کا عمدہ اختتام کرنا چاہتے ہیں۔قومی ٹیم شرجیل خان ، بابر اعظم ، خالد لطیف،شعیب ملک ، وہاب ریاض ، سہیل تنویر ،سرفراز احمد،محمد رضوان ،عماد وسیم اور وہاب ریاض شامل ہیں۔یہ سرفراز احمد کا بطور کپتان پہلے ٹی ٹونٹی ہے جس میں وہ ٹاس جیتنے میں ناکام رہے ہیں ۔مزید کھیلوں کی خبریں
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان ہاکی فیڈریشن کے رکن رائو سلیم ناظم کی اظہار تعزیت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.