Live Updates

عمران خان رائیونڈ گئے تو ہمارے کارکن بنی گالہ جائینگے، حنیف عباسی

شیخ رشید کو ایفیڈرین کی بہت یاد آتی ہے، آئندہ کوٹہ ملا تو 2فیصد ایفیڈرین ان کو دوں گا طاہر القادری نے سچ کہا2018ء تک 16ہزار میگاواٹ بجلی ملکی نظام میں شامل ہو جائیگی،گفتگو ن

اتوار 4 ستمبر 2016 13:34

راولپنڈی(اُردو پوائنٹ تازہ ترین اخبار۔ 4 ستمبر - 2016ء) مسلم لیگ (ن) کے رہنما حنیف عباسی نے کہا ہے کہ عمران خان رائیونڈ گئے تو ہمارے کارکن بنی گالہ جائینگے، شیخ رشید کو ایفیڈرین کی بہت یاد آتی ہے، آئندہ کوٹہ ملا تو 2فیصد ایفیڈرین ان کو دوں گا،طاہر القادری نے سچ کہا2018ء تک 16ہزار میگاواٹ بجلی ملکی نظام میں شامل ہو جائے گی۔اتوار کو صحافیوں سے گفتگو کرتے ہوئے حنیف عباسی نے کہاکہ عمران خان رائیونڈ جانے کی دھمکیاں نہ دیں اگر انہوں نے رائیونڈ کا رخ کیا تو مسلم لیگ(ن) کے کارکن بھی بنی گالہ میں داخل ہو جائیں گے ۔

انہوں نے کہاکہ کسی کے گھر پر چڑھائی کرنا قانوناً جرم ہے اور امید ہے کہ عمران خان ایسی حرکت کبھی نہیں کریں گے۔ انہوں نے کہا کہ عمران خان آج کل صرف یہی بات کہہ رہے ہیں ”سونیا وزیر اعظم بنا دے “انہوں نے کہاکہ شیخ رشید کو ایفیڈرین کی بہت یاد آتی ہے اور آئندہ اگر مجھے اس کا کوٹہ ملاتو شیخ رشید کو دوفیصد ایفیڈرین دے دوں گا ۔

(جاری ہے)

انہوں نے کہاکہ طاہرالقادری نے سچ کہا کہ 2018ء تک 16ہزار میگاواٹ بجلی نیشنل گرڈ سسٹم میں شامل ہوجائے گی۔انہوں نے کہاکہ حکومت بجلی کی لوڈ شیڈنگ کے مکمل خاتمے کے لئے کوشاں ہے اور اس ضمن میں درجنوں منصوبوں پر کام جاری ہے جو2018ء تک تقریباً مکمل ہو جائیگا جس کے بعد ملک سے اندھیرے چھٹ جائیں گے ۔

Live عمران خان سے متعلق تازہ ترین معلومات

متعلقہ عنوان :