کراچی میں پائپ لائنوں کی منتقلی کے باعث مختلف علاقوں میں گیس بند

میٹرک بورڈ آفس، بنارس اورفاروقِ اعظم مسجد کے مقامات پرپائپ لائن کی منتقلی کا کام جاری

اتوار 4 ستمبر 2016 13:15

کراچی(اُردو پوائنٹ تازہ ترین اخبار۔ 4 ستمبر - 2016ء ) گرین اور اورنج لائن منصوبوں کی راہ میں آنے والی پائپ لائنوں کی منتقلی کے باعث شہر کے مختلف علاقوں میں گیس کی فراہمی معطل ہوگئی ۔

(جاری ہے)

کراچی کے سائٹ ایریا، نارتھ ناظم آباد، فیڈرل بی ایریا، بفرزون اور یو پی موڑ سمیت اطراف کے علاقوں میں صبح 6 بجے سے گیس کی فراہمی معطل ہوگئی جس کی وجہ سے شہریوں کو چھٹی کے روز شدید مشکلات کا سامنا کرنا پڑا، لوگوں کی بڑی تعداد نے گیس کی فراہمی نہ ہونے کی وجہ سے ناشتہ بازارسے خریدا۔

دوسری جانب سوئی سدرن گیس کمپنی کا کہنا ہے کہ شہر کے مختلف علاقوں میں گرین اور اورنج لائن میٹرو منصوبوں میں جاری کام کی راہ میں 20 انچ قطر کی گیس لائن آرہی تھی جسے دوسری جانب منتقل کیا جارہا ہے، جس کی وجہ سے مختلف علاقوں میں گیس کی فراہمی معطل ہوگئی جس پر وہ اپنے صارفین سے معذرت خواں ہیں ۔

متعلقہ عنوان :