تحریکِ انصاف، عوامی مسلم لیگ اور پاکستان عوامی تحریک لاہور اور راولپنڈی میں حکومت کے خلاف ریلیاں- احتساب مارچ ملک کے اداروں کو بچانے کے لیے ہے اور اگر اس پرامن احتجاج کو روکا گیا تو حکومت خود ذمہ دار ہو گی۔عمران خان
میاں محمد ندیم ہفتہ 3 ستمبر 2016 17:52
لاہور+اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔03 ستمبر۔2016ء) حزب اختلاف کی جماعتیں پاکستان تحریکِ انصاف، عوامی مسلم لیگ اور پاکستان عوامی تحریک لاہور اور راولپنڈی میں حکومت کے خلاف ریلیاں نکال رہی ہیں۔ ریلی کے موقع پر لاہور اور راولپنڈی کے مختلف علاقوں کو کنٹینرز لگا کر بلاک کیا گیا ہے۔پاکستان تحریک انصاف کے احتساب مارچ کی قیادت عمران خان کر رہے ہیں اور یہ مارچ لاہور کے علاقے شاہدرہ سے شروع ہو کر پنجاب اسمبلی چیئرنگ کراس پہنچ کر ختم ہو گا۔
ریلی میں شرکت کے لیے عمران خان اپنے قریبی ساتھیوں کے ساتھ شاہدرہ پہنچ رہے ہیں۔زمان پارک لاہور میں اپنی رہائشگاہ پر صحافیوں سے بات کرتے ہوئے عمران خان نے کہا کہ وزیراعظم نوازشریف اور ا±ن کے خاندان نے ملک سے باہر غیر قانونی طور پر کمپنیاں بنائی ہیں۔(جاری ہے)
انھوں نے کہا کہ نواز شریف نے اپنی کرپشن چھپانے کے لیے ملک کے ادارے تباہ کر دیے ہیں۔
نیب، ایف بی آر، الیکشن کمیشن حکمرانوں کے تابع ہیں۔عمران خان کہنا تھا کہ اگر اس مرتبہ وزیراعظم نواز شریف پانامہ لیکس کی تحقیقات سے بچ نکلے تو آئندہ الیکشن کو کرپشن کے پیسے سے لے اڑیں گے۔انھوں نے کہا کہ تحریک انصاف کا احتساب مارچ ملک کے اداروں کو بچانے کے لیے ہے اور اگر اس پرامن احتجاج کو روکا گیا تو حکومت خود ذمہ دار ہو گی۔ پاکستان تحریک انصاف کی ریلی کے 14 کلو میٹر کو روٹ پر کئی مقام پر کنٹنرز لگا کر بند کیا گیا ہے۔ریلی کے راستے میں بھاٹی چوک، ناصر باغ، جی پی او چوک پر خطاب کرنے کے بعد مال روڈ پر پنجاب اسمبلی کے سامنے اختتام پذیر ہوگی۔ریلی کو محفوظ بنانے کے لیے پولیس نے بھی خصوصی انتظامات کررکھے ہیں۔دوسری جانب پاکستان عوام تحریک ڈاکٹر طاہر القادری کی صدارت میں راولپنڈی میں ’قصاص مارچ‘ کر رہی ہے۔ ریلی میں شرکت کے لیے طاہر القادری لاہور سے روالپنڈی کے لیے روانہ ہو گئے ہیں۔راولپنڈی میں ہونے قصاص مارچ کمیٹی چوک سے شروع ہو کر لیاقت باغ پر ختم ہو گا۔اس ریلی سے ڈاکٹر طاہرالقادری نے ویڈیو لنک کے ذریعے خطاب کرنا تھا لیکن رات گئے طاہر القادری نے بھی ریلی میں از خود شرکت کرنے کا اعلان کیا۔پاکستان عوامی مسلم لیگ بھی پاکستان عوامی تحریک کی ریلی میں شامل ہو گے۔راولپنڈی میں عوامی تحریک کی قصاص ریلی کے لیے مری روڈ پر سٹیج لگا دیا گیا ہے جس سے عوامی تحریک کے سربراہ ڈاکٹر طاہرالقادری اور عوامی مسلم لیگ کے قائد شیخ رشید خطاب کریں گے۔راولپنڈی کی انتظامیہ کی جانب سے فیض آباد سے لیاقت باغ تک تمام داخلی راستوں کو کینٹینرز لگا کر بند کردیا گیا ہے شیخ رشید اپنی رہائش گاہ سے مری روڈ تک پاکستان سالمیت مارچ کر رہے ہیں جو بعد میں پاکستان عوامی تحریک کی ریلی میں شامل ہو جائے گا۔شیخ رشید کی رہائش گاہ لال حویلی کی جانب جانے والے تمام راستے بھی سیل کردیے گئے ہیں جس کی وجہ سے شہریوں کو شدید مشکلات کا سامنا کرنا پڑ رہا ہے۔پاکستان عوامی تحریک کے رہنما ڈاکٹر طاہر القادری کا کہنا ہے کہ 17 جون 2014 کو ماڈل ٹاو¿ن میں پولیس کے ہاتھوں مارے جانے والے کارکنوں کے قاتلوں کو ابھی تک سزا نہیں ملی ہے۔لاہور سے راولپنڈی جانے سے قبل میڈیا سے بات چیت میں انھوں نے کہا کہ ہمیشہ ان کی جماعت نے پرامن احتجاج کیا ہے اور انصاف نہ ملنے تک یہ احتجاج ایسے ہی جاری رہے گا۔متعلقہ عنوان :
مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.