چائنا کے 22 رکنی وفد کا ایس ایس یو کے مختلف شعبوں کا دورہ، پیشہ وارانہ معیار کو سراہا
جمعہ 2 ستمبر 2016 22:44
کراچی(اُردو پوائنٹ اخبارتازہ ترین - این این آئی۔2 ستمبر ۔2016ء) ہنان ہواشن جنان سیکیورٹی کنسلٹنگ سروسز کے 22 رکنی چینی وفد بشمول معروف سیکیورٹی ماہرین اور سینئر ہنان گورنمنٹ سیکیورٹی اراکین نے سندھ پولیس میں بین الاقوامی معیار کی بہترین پولیس فورس قائم کرنے اور پولیس کمانڈوز کی پیشہ وارانہ صلاحیتوں میں مزید اضافہ کرنے کے لئے کی جانے والی کاوشوں کو سراہا۔
جاری کردہ اعلامیہ کے مطابق وفد نے ان خیالات کا اظہار میڈم ینگ زیاؤکنگ کی سربراہی میں اسپیشل سیکیورٹی یونٹ کے مختلف شعبوں کا دورہ کرتے ہوئے کیا۔ کمانڈنٹ اسپیشل سیکیورٹی یونٹ مقصود احمدنے مختلف شعبوں کے متعلق تفصیلات سے آگاہ کرتے ہوئے بتایا کہ ایس ایس یو میں پاکستان کی پہلی اسپیشل ویپن اینڈ ٹیکٹکس (S.W.A.T) ٹیم قائم کردی گئی ہے۔(جاری ہے)
انہوں نے مزید بتایا کہ بین الاقوامی ادارے UKAS برطانیہ کی جانب سے ایس ایس یو کی اعلیٰ معیار کی کارکردگی کو تسلیم کرتے ہوئے انسداد دہشت گردی آپریشنز ، اہم تنصیبات واہم قومی وبیرونی شخصیات کو مؤثر حفاظتی سہولت فراہم کرنے پر آئی ایس او سرٹیفیکیٹ جاری کیا گیا ہے۔
ایس ایس یو ملک کا پہلا قانون نافذ کرنے والاا دارہ ہے جسے آئی ایس او سرٹیفیکیٹ جاری کیا گیا ہے۔ وفد کے اراکین نے پولیس کمانڈوز کی انسداد دہشت گردی کے معیار کو دیکھتے ہوئے خوشی کا اظہار کیا۔ کمانڈنٹ نے بتایا کہ(S.W.A.T) ٹیم کے کمانڈوز بشمول لیڈی کمانڈوز جو کہ جدید اسلحہ و مواصلاتی نظام سے لیس ہیں چوبیس گھنٹے سماج دشمن عناصر اور دہشت گردوں کی طرف سے پیدا کی گئی کسی بھی ہنگامی صورت حال سے نمٹنے کے لئے تیا ر رہتے ہیں۔ انہوں نے مزید بتایا کہ ایس ایس یو کے کمانڈوز کو جدید تربیت فراہم کی گئی ہے تاکہ وہ دہشت گردوں کی کسی بھی کارروائی کو بروقت ناکام بنا سکیں۔ وفد نے S.W.A.T ٹیم کے کمانڈوز کی فرضی مشقوں کا مظاہر ہ بھی دیکھا۔ بعد ازاں کمانڈنٹ ایس ایس یو نے وفد کی سربراہ کویونٹ کی شیلڈ پیش کی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.