علاقائی اور عالمی چیلنجوں کے مقابلے کیلئے پاکستان اور چین کے درمیان قریبی روابط ناگزیرہیں ،پاکستان علاقائی اور بین الا قوامی فورمز پر چین کی حمایت پر بھر پور اعتماد کرتا ہے ، باہمی تعلقات کو نئی بلندیوں تک پہنچانے کیلئے عوامی رابطوں کو مزید فروغ دینے کی ضرورت ہے ، سی پیک منصوبے کی تکمیل سے خطے کی تقدیر بدل جائے گی ،پاک چین تعلقات کے نئے دور کا آغاز ہوگا
سپیکر قومی اسمبلی سر دار ایاز صادق کی چینی سفیر سے ملاقات میں گفتگو چین پاکستان کے ساتھ پائیدار شر اکت داری کے لیے پر عزم ہے ، ٹیکنالوجی ،دفاع اور بنیادی ڈھانچے کی تر قی کے لیے پاکستان کے ساتھ ہر ممکن تعاون جاری رکھیں ، سن ویڈونگ
بدھ 31 اگست 2016 21:39
اسلا م آباد(اُردو پوائنٹ اخبارتازہ ترین - آئی این پی۔31 اگست ۔2016ء ) سپیکر قومی اسمبلی سر دار ایاز صادق نے کہا ہے کہ پاک چین دوستی جغرافیائی، معاشی، تاریخی اور اسٹر ٹیجک مفادات کی مضبوط بنیادوں پر استوارہے اور ہمیشہ ہر آزمائش میں پوری ا تری ہے ، علاقائی اور عالمی چیلنجوں کا مقابلہ کرنے کے لیے دونوں ممالک کے درمیان قریبی روابط ناگزیر ، باہمی تعلقات کو نئی بلندیوں تک پہنچانے کے لیے عوامی رابطوں کو مزید فروغ دینے کی ضرورت ہے ، پاک چین اقتصادی راہداری منصوبے کی تکمیل سے خطے کی تقدیر بدل جائے گی ،پاک چین تعلقات کے نئے دور کا آغاز ہوگا۔
وہ بدھ کو یہاں پارلیمنٹ ہاؤس میں چین کے سفیر سن ویڈوگ سے ملاقات میں گفتگو کر رہے تھے ۔ملا قات میں باہمی مفادات اور خطے میں امن امان کی مجموعی صورت حال پر تبادلہ خیال کیا گیا۔(جاری ہے)
ایاز صادق نے کہاکہ پاکستان علاقائی اور بین الا قوامی فورمز پر چین کی حمایت پربھر پور اعتماد کرتا ہے اور پاکستان میں حقیقی معاشی تر قی کے لیے چین کے تعاون اور کاوشوں کو قدر کی نگاہ سے دیکھتا ہے ۔
دونوں اقوام کے مابین بردرانہ تاریخی تعلقات کا حوالہ دیتے ہوئے سپیکر نے کہا کہ بین الاقوامی برداری دونوں ممالک کے درمیان پائے جانے والے دوستانہ تعلقات کا کوئی متوازی پیش نہیں کرسکی ۔۔ سر دارایاز صادق نے کہا کہ پاک چین دوستی جغرافیائی، معاشی، تاریخی اور اسٹر ٹیجک مفادات کی مضبوط بنیادوں پر استوارہے اور ہمیشہ ہر آزمائش میں پوری ا تری ہے۔ انہوں نے علاقائی اور عالمی چیلنجوں کا مقابلہ کرنے کے لیے دونوں ممالک کے درمیان قریبی روابط کو ناگزیر قرار دیا ۔انہوں نے باہمی تعلقات نئی بلندیوں تک پہنچانے کے لیے عوامی رابطوں کو مزید فروغ دینے کی ضرورت پر زور دیا ۔انہوں نے اس اعتماد کا اظہار کیا کہ پاک چین اقتصادی راہداری (سی پیک )کے منصوبے کی تکمیل سے خطے کی تقدیر بدل جائے گی اور پاک -چین تعلقات کے نئے دور کا آغاز ہوگا ۔انہوں نے پاکستان کی پارلیمنٹ کو شمسی توانائی پر منتقل کرنے میں چین کے تعاون کو سر اہا ۔سر دار ایاز صادق نے پائیدار تر قی کے اہداف اور حقیقی اقتصادی تر قی کے حصول کے لیے دونوں ممالک کے مابین شر اکت داری کو مزید فروغ دینے کی ضرورت پر زور دیا ۔انہوں نے کہا کہ پاکستان متبادل ذرائع سے توانائی کی پیداوار اور پاکستان کی صنعت کی پیداوار اور استعداد کار میں اضافے کے لیے چین کے تعاون کا خواہش مند ہے ۔انہوں نے مزید کہا کہ CPEC منصوبہ پاک- چین تجارتی تعلقات کو نئی قوت بخشے گا۔چین کے سفیر سن ویڈوگ نے سپیکر قومی اسمبلی سر دار ایاز صادق کے خیالات کی تو ثیق کرتے ہوئے کہا کہ دنیا میں پاک- چین دوستی تعلقات کی کوئی مثال نہیں ملتی۔انہوں نے کہا کہ چین پاکستان کے ساتھ پائیدار شر اکت داری کے لیے پر عزم ہے اور باہمی تعلقات کومزید مستحکم بنانے کا خواہاں ہے ۔انہوں نے کہا کہ چین ٹیکنالوجی ،دفاع اور بنیادی ڈھانچے کی تر قی کے لیے پاکستان کے ساتھ ہر ممکن تعاون جاری رکھے گا ۔انہوں نے کہا کہ خطے کے اسٹر ٹیجک اعادہ شمار اور امن امان کی صوتحال نے دونوں ممالک کو مزید قریب لا کھڑا کیا ہے ۔متعلقہ عنوان :
مزید اہم خبریں
-
امریکی کانگریس نے مقبول سوشل میڈیا ایپ ”ٹک ٹاک“ پر مشروط پابندی کا بل بھاری اکثریت سے منظور کرلیا
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.