شہری /دیہی طالبِ علموں کو یکساں تعلیمی مواقع فراہم کئے جائیں ،جام مہتاب حسین ڈھر

بدھ 31 اگست 2016 19:37

کراچی (اُردو پوائنٹ اخبارتازہ ترین - این این آئی۔31 اگست ۔2016ء)صوبائی وزیر برائے تعلیم و خواندگی جام مہتاب حسین ڈھر نے کہا ہے کہ موجودہ حالات اس بات کے متقاضی ہیں کہ شہری و دیہی طالب ِ علموں کو جدید ٹیکنالوجی کی مدد سے تعلیم کے یکساں اور بہتر مواقع مہیا کئے جائیں کیونکہ ہمارے شہر کے بچے صلاحیتوں میں کسی سے کم نہیں ہیں ۔یہ بات انہوں نے اپنے دفتر میں یو کے سے تعلق رکھنے والے ماہرین تعلیم کے ایک وفد سے ملاقات کرتے ہوئے کی ۔

اس موقع پر سیکریٹری تعلیم فضل اﷲ پیچوہو ,اسپیشل سیکریٹری ڈاکٹر منصور رضوی ،ڈائریکٹر جنرل پرائیوٹ اسکولز ڈاکٹر منسو ب صدیقی اختیار بیگ اور ڈاکٹر ایس ۔ایم طاہر علی بھی موجود تھے ۔

(جاری ہے)

صوبائی وزیر تعلیم نے اس تجویز سے اتفاق کیا کہ ورکنگ پیپرز کے مکمل ہوجانے کے بعد اس سلسلے میں ایک پائلٹ پروجیکٹ کو آزمائشی طور پر چند منتخب سرکاری اسکولز میں شروع کیا جائے اور اساتذہ اور طالب ِعلموں کو روایتی تعلیم سے ڈیجیٹل تعلیمی نظام پر منتقل کیا جائے تاکہ ان علاقوں میں معیارِ تعلیم بہتر کیا جاسکے ،انہوں نے مزید کہا کہ طالبِعلموں پر زیادہ توجہ دینے کی ضرورت ہے تاکہ وہ عصرِحاضر کے مطابق اپنے آپ کو ڈھالیں اور معاشرے میں باعزت مقام حاصل کرسکیں ،صوبائی وزیر تعلیم نے سیکریٹری تعلیم کو ہدایت کی کہ وہ ان اسکولز اور اضلاع کی نشاندہی کریں جہاں پائلٹ پروجیکٹ شروع کیا جاسکے اور اگر یہ کامیابی سے ہمکنار ہوجائے تو اس کا دائرہ کار بتدریج بڑھایا جائے۔

Facebook Twitter Google + Share on Whatsapp

شہری /دیہی طالبِ علموں کو یکساں تعلیمی مواقع فراہم کئے جائیں ،جام مہتاب حسین ڈھر

مزید قومی خبریں