تحریک انصاف کا وزیر اعظم کی نااہلی کیلئے دائر پٹیشن پر رجسٹرار کے اعتراضات پر سپریم کورٹ میں اپیل دائر کرنے کا فیصلہ

منگل 30 اگست 2016 21:50

اسلام آباد(اُردو پوائنٹ اخبارتازہ ترین - آئی این پی۔30 اگست ۔2016ء) پاکستان تحریک انصاف کی جانب سے سپریم کورٹ آف پاکستان میں وزیر اعظم کی نااہلی کیلئے دائرکردہ پٹیشن پر رجسٹرار سپریم کورٹ کی جانب سے اٹھائے گئے اعتراضات پر سپریم کورٹ میں اپیل دائر کرنے کا فیصلہ کیا ہے۔

(جاری ہے)

مرکزی میڈیا ڈیپارٹمنٹ سے جاری اعلامیہ میں مرکزی سیکرٹری اطلاعات پاکستان تحریک انصاف نعیم الحق نے کہا ہے کہ حامد خان کی سربراہی میں تحریک انصاف کے قانونی ماہرین کی ٹیم نے درخواست تیاری شروع کردی ہے۔

پی ٹی آئی کی لیگل ٹیم سپریم کورٹ میں رجسٹرار کے پٹیشن پر اٹھائے گئے اعتراضات کو دور کردے گی اور آئندہ چند روز میں دائر کرے گی۔ یاد رہے کہ گزشتہ روز سوموار کو پاکستان تحریک انصاف کے وکیل نعیم بخاری نے اپنی ٹیم کے ہمراہ سپریم کورٹ میں پٹیشن دائر کی تھی۔ اس موقع پر سیکرٹری اطلاعات نعیم الحق بھی انکے ہمراہ تھے۔