افغان مہاجرین کیلئے افغانستان کے اندر سازگار ماحول پیدا کیے بغیر ان کی جبری واپسی کسی طور پر مناسب نہیں ہوگی، مہاجرین کی واپسی کیلئے مقرر کردہ16نومبر کی ڈیڈ لائن نامناسب ہے، حکومت پاکستان افغان مہاجرین کی جائیدادوں کی بندر بانٹ روکے
امیر جماعت اسلامی خیبرپختونخوا مشتا ق احمد خان اور سینئر صوبائی وزیر عنایت اﷲ خان کا مشترکہ بیان
منگل 30 اگست 2016 21:34
پشاور(اُردو پوائنٹ اخبارتازہ ترین - آئی این پی۔30 اگست ۔2016ء ) امیر جماعت اسلامی خیبرپختونخوا مشتا ق احمد خان اور سینئر صوبائی وزیر بلدیات ودیہی ترقی عنایت اﷲ خان نے کہا ہے کہ افغان مہاجرین کے لیے افغانستان کے اندر سازگار ماحول پیدا کیے بغیر ان کی جبری واپسی کسی طور پر مناسب نہیں ہوگا اور ان کی واپسی کے لیے مقرر کردہ16نومبر کی ڈیڈ لائن بھی نامناسب ہے۔
حکومت پاکستان افغان مہاجرین کی جائیدادوں کی بندر بانٹ روکے ۔ اپنے ایک مشترکہ بیان میں دونوں رہنماؤں نے کہا ہے کہ پاکستان میں مقیم افغان مہاجرین کا معاملہ غیر معمولی نوعیت کا ہے ۔انھوں نے کئی عشروں تک پاکستان کے دفاع کی جنگ لڑی ہے اور اسلام کے بالمقابل ایک نظریہ کمیونزم اور ایک بہت بڑی طاقت سویت یونین کاخاتمہ کیا ہے۔(جاری ہے)
پاک افغان سرحدات کی دونوں جانب رہائش پذیر لوگوں کے پاس دونوں ممالک کی شہریت ہے اور مہاجرین میں سے74فی صد ایسے ہیں جن کی پیدائش پاکستان میں ہوئی ہے اور بین الاقوامی قوانین کے تحت جو بچہ جس ملک میں پیدا ہوتا ہے وہ اس ملک کا شہری تصورہوتا ہے ۔
یہ لوگ یہاں پر پلے بڑے اور نوجوان ہوئے اور یہاں کی معیشت میں اپنا حصہ ڈالا ہے ۔ ان کو محض بوجھ نہ سمجھا جائے بلکہ ان کی وجہ سے یہاں پر بڑی سرمایہ کاری ہو ئی ہے۔انھوں نے کہا کہ عالمی قوانین کے مطابق دونوں ریاستیں عالمی برادری سے مل کر ان کی آبادکاری کے لیے جامع منصوبہ بندی کریں اور محض چند وقتی مسائل کو بنیادبنا کر عجلت پسندی کا مظاہرہ نہ کیا جائے۔انھوں نے کہا کہ جلد بازی میں ان کو زبردستی واپس بھیجنے کی کوشش مسئلہ حل کرنے کے بجائے حقائق سے نظریں چرانے کے مترادف ہے۔عنایت اﷲ خان نے کہا کہ افغان مہاجرین کا مسئلہ تاریخی اور جغرافیائی طور غیر معمولی اہمیت کا حامل ہے۔مٹھی بھرعناصرمذموم مقاصد کی تکمیل کے لیے تاریخ کا دھارا دشمنی کی جانب موڑنے کو کوشش کررہے ہیں۔دونوں جانب کے محب وطن عناصر اور قیادت کو اس حوالے سے سنجیدگی کے ساتھ لائحہ عمل مرتب کرنا ہوگا۔عنایت اﷲ خان نے کہا کہ پاکستان کے ادارے مختلف طریقوں سے مہاجرین کو تنگ کرنا چھوڑ دیں۔ انھوں نے نادرہ کو مشورہ دیا کہ ایسے کمپیوٹرائزڈکارڈ ترتیب دیے جائیں جن سے جرائم روکنے میں مدد ملے۔ انھوں نے کہا کہ افغان مہاجرین کے ساتھ ایسا سلوک نہ کیا جائے کہ35سال کی مہان نوازی پر پانی پھر جائے۔متعلقہ عنوان :
مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.