وفاقی حکومت نے نصاب تعلیم کو قومی نظریہ سے ہم آہنگ رکھنے کیلئے قومی نصاب کونسل قائم کردی، بلیغ الرحمٰن
سیلانی ویلفیئر ٹرسٹ کا شمار پاکستان کے ممتاز قابل فخر فلاحی اداروں میں ہوتا ہے، مولانابشیر فاروق قادری اور ان کی ٹیم کار خیر انجام دے رہی ہے،وفاقی وزیرمملکت
منگل 30 اگست 2016 19:57
کراچی (اُردو پوائنٹ اخبارتازہ ترین - این این آئی۔30 اگست ۔2016ء) وفاقی وزیر مملکت بلیغ الرحمٰن نے کہا ہے کہ تعلیم کا شعبہ صوبائی حکومتوں کی ذمہ داری ہونے کے باوجود وفاقی حکومت نے یکساں نصاب تعلیم کیلئے اتفاق رائے سے قومی نصاب کو نسل قائم کردی ہے تاکہ تمام صوبوں میں قومی نظریہ کے مطابق نصاب تشکیل دیا جاسکے اس حوالے سے پہلا نصاب تعلیم 2017 میں مکمل کیا جائے گا پہلی جماعت میں نورانی قاعدے کی تعلیم لازمی پرائمری میں قرآن پاک ناظرہ کی تکمیل ثانوی اور اعلیٰ ثانوی درجوں میں قرآن پاک کا ترجمہ بھی پڑھایاجائے گا اور جلد قانون کے ذریعے سرکاری اسکولوں کے علاوہ نجی اسکولوں میں بھی قرآنی تعلیم کو لازمی قرار دیا جائے گا۔
وفاقی حکومت نے جامعات کی گرانٹس کی رقم میں رواں سال میں 91 ارب روپے تک کا اضافہ کیا ہے جامعات میں تنخواہوں کی عدم ادائیگیوں کا معاملہ کا تعلق وفاقی گرانٹس سے نہیں بلکہ جامعات میں سیاسی بنیادوں پر اضافی بھرتیوں کی وجہ سے ہے یہ معاملہ صوبائی حکومتوں کا ہے قرآن پاک کا پڑھایا جانے والہ ترجمہ متنازعہ نہیں ہوگا۔(جاری ہے)
فی الحال قرآنی تعلیم کے پروفیشنل تعلیم میں خصوصی مارکس کی کوئی تجویز زیر غور نہیں ہے۔
وہ منگل کے روز سیلانی ویلفیئر ٹرسٹ کے زیر اہتمام ہیڈ آفس کے آڈیٹوریم میں (BECS) بیسک ایجوکیشن کمیونٹی اسکولز کے اساتذہ میں تین لاکھ مفت نورانی قاعدے کی تقسیم کی تقریب سے بحیثیت مہمان خصوصی خطاب اور صحافیوں سے گفتگو کرتے ہوئے کہا۔ اس موقع پر سیلانی ویلفئیر ٹرسٹ کے سرپرست اعلیٰ ممتاز روحانی و سماجی شخصیت مولانا محمد بشیر فاروق قادری نے استحکام پاکستان اور ملک میں تعلیم کے نور سے منور کرنے والوں کیلئے درد انگیز انداز میں دعا کی جبکہ اس موقع پر سیلانی ویلیفئر ٹرسٹ کی مینجمنٹ کمیٹی کے ٹرسٹیز حاجی یوسف لاکھانی، عارف لاکھانی، امجد چامڑیا، نوید عبدالرزاق بھی موجود تھے۔ وفاقی وزیر کو ویڈیو کے ذریعے سیلانی ویلفیئر ٹرسٹ کی فلاحی سرگرمیوں کی تفصیلی آگاہی دی گئی۔ وفاقی وزیر مملکت بلیغ الرحمٰن نے کہا کہ سیلانی ویلفئیر ٹرسٹ کا شمار پاکستان کے ممتاز قابل فخر فلاحی اداروں میں ہوتا ہے۔مولانامحمد بشیر فاروق قادری اور ان کی ٹیم اچھا کار خیر انجام دے رہی ہے اس ٹیم کی مخلصانہ کوششوں کے باعث 16 سال کی مختصر مدت میں یہ ادارہ کارکردگی کے اعتبار سے بلندی کی منزل تک پہنچا ہے تعلیم کا حکم ہمیں ہمارا مذہب دیتا ہے صوبائی حکومتیں اپنے بجٹ کا 25 فیصد حصہ تعلیم کے فروغ پر خرچ کر رہی ہیں اس کے باوجود ہم خواندگی کے اہداف حاصل کرنے سے دور ہیں وفاقی حکومت نے بنیادی تعلیم کیلئے بیسک ایجوکیشن کمیونٹی اسکولز (BECS) کے ذریعے اس وقت ملک بھر میں دس لاکھ بچوں کے گھروں کے نزدیک پرائمری تعلیم دینے میں سرگرم عمل ہے ان اسکولوں کے اساتذہ کو تنخواہیں نہیں معمولی سا اعزازیہ دیا جاتا ہے۔یہ اساتذہ قوم کا فخر ہیں۔ قبل ازیں تقریب سے غلام نبی سیال، پیر محمد کالیہ، آصف قریشی و دیگر نے بھی خطاب کیا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.