پاکستان اور امریکہ کے درمیان تعلقات کی بنیاد زیادہ تر مشترکہ تجارت اور سرمایہ کاری ہے، امریکہ دوطرفہ تجارت اور سرمایہ کاری کو فروغ دینے کیلئے حکومت پاکستان اور نجی شعبے کے ساتھ مل کر کام کرنے کا تہیہ کئے ہوئے ہے، مائیکل ڈیلانی
منگل 30 اگست 2016 19:10
اسلام آباد ۔ 30 اگست (اُردو پوائنٹ اخبارتازہ ترین - اے پی پی۔30 اگست ۔2016ء) امریکی تجارت(اے یو ایس ٹی آر) کیلئے معاون نمائندہ برائے جنوبی ایشیاء مائیکل ڈیلانی نے پاکستان کیساتھ تجارت کے عزم کا اعادہ کرتے ہوئے کہا ہے کہ پاکستان اور امریکہ کے درمیان تعلقات کی بنیاد زیادہ تر مشترکہ تجارت اور سرمایہ کاری ہے ،امریکہ اسے جاری رکھنے کیلئے پانچ سالہ منصوبے پر عمل پیرا ہے۔
امریکہ پاکستان کی خوشحالی کو خطے اور خود اپنے لیے نیک فال تصور کرتا ہے۔منگل کو امریکی سفارتخانے کی جانب سے جاری ایک بیان کے مطابق مائیکل ڈیلانی نے 28 سے 30اگست تک اسلام آباد میں پاکستان کے سرکاری حکام کے ساتھ پاک۔امریکہ تجارت اور سرمایہ کاری فریم ورک معاہدے (ٹیفا) پر بات چیت کیلئے امریکی وفد کی قیادت کی۔(جاری ہے)
وزارت تجارت کے زیر اہتمام ہونے والے ان اجلاسوں کے دوران دیگر امور کے علاوہ امریکی منڈیوں میں پاکستانی مصنوعات کو مزید رسائی دینے، دوطرفہ کاروباری تعلقات اورفکری املاک سمیت تجارت اور سرمایہ کاری سے متعلق معاملات کے علاوہ تجارت اور سرمایہ کاری کے حوالے سے جائنٹ ایکشن پلان پر پیش رفت کا جائزہ لیا گیا جس پر اکتوبر 2015میں وزیر اعظم نواز شریف کے دورہ واشنگٹن کے دوران امریکی صدر باراک اوبامہ اور وزیر اعظم نواز شریف کے درمیان اتفاق ہوا تھا۔
ڈیلانی نے کہا کہ پاکستان اور امریکہ کے درمیان تعلقات کی بنیاد زیادہ تر مشترکہ تجارت اور سرمایہ کاری ہے اور ہم اسے جاری رکھنے کیلئے ایک پانچ سالہ منصوبے پر عمل پیرا ہیں۔انھوں نے کہا کہ امریکہ پاکستان کی خوشحالی کو خطے اور خود اپنے لیے نیک فال تصور کرتا ہے۔معاون نمائندے مایئکل ڈیلانی نے پاکستان کے سرکاری حکام سے ملاقاتیں کیں اور باہمی دلچسپی کے امور پر بات چیت کی۔ ان ملاقاتوں کے دوران انھوں نے یہ بات زور دے کر کہی کہ امریکہ دوطرفہ تجارت اور سرمایہ کاری کو فروغ دینے کیلئے حکومت پاکستان اور نجی شعبے کے ساتھ مل کر کام کرنے کا تہیہ کئے ہوئے ہے۔ امریکہ پاکستانی برآمدات کی سب سے بڑی منڈی اور ملک میں براہ راست بیرونی سرمایہ کاری کا بنیادی ماخذ ہے۔ 2015 میں پاکستان اور امریکہ کے درمیان تجارت کا حجم ساڑھے پانچ ارب ڈالر سے بھی تجاوز کرگیا تھا۔مزید اہم خبریں
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.