بلاول بھٹو زرداری کی سندھ بھر میں حلف اٹھانے والے میئرز اور چیئرمین کو مبارکباد
صوبہ سندھ نے پہلی بار جماعتی بنیادوں کے تحت بلدیاتی نظام حاصل کیا ہے، چیئرمین پاکستان پیپلزپارٹی
منگل 30 اگست 2016 17:59
کراچی(اُردو پوائنٹ اخبارتازہ ترین - این این آئی۔30 اگست ۔2016ء) پاکستان پیپلزپارٹی کے چیئرمین بلاول بھٹو زرداری نے سندھ بھر میں حلف اٹھانے والے میئرز اور چیئرمین کو مبارکباد دی ہے،آج عوامی تقریبات میں حلف اٹھانے والے سندھ بھر کے 200سے زائد میئرز، ڈپٹی میئرز، چیئرمین اور وائس چیئرمین کے نام اپنے مبارکباد کے پیغام میں بلاول بھٹو زرداری نے کہا کہ آج بلدیاتی حکومتوں کی تاریخ کے ایک نئے دور کا آغاز ہوا ہے، بلدیاتی اداروں کے منتخب نمائندوں کی حیثیت سے جنہوں نے حلف اٹھایا ہے انہوں نے اپنے اپنے علاقوں کے عوام کی خدمت کا ذمہ بھی اٹھایا ہے، انہیں اب عوام کو صفائی ستھرائی کے ساتھ ساتھ دیگر شہری سہولیات ان کے دروازے تک پہنچانے کی کارکردگی بھی دکھانی ہوگی،بلاول بھٹو زرداری نے کہا کہ صوبہ سندھ نے پہلی بار جماعتی بنیادوں کے تحت بلدیاتی نظام حاصل کیا ہے، بنیادی سہولیات میسر کرنے کے ساتھ ساتھ جمہوریت کو مستحکم کرنے کے لیے عوام کی بھرپور شمولیت کے ساتھ بلدیاتی اداروں کونچلی سطح پر جمہوریت کی نرسریز کا کام کرنا ہوگا،بلاول بھٹو زرداری نے بلدیاتی انتخابات میں سابق وزیراعلیٰ سندھ سید قائم علی شاہ اور پیپلزپارٹی خواتین ونگ کی صدر ایم این اے فریال تالپر کی انتھک کاوشوں کو سراہا جس کی وجہ سے پیپلزپارٹی نے سندھ بھر سے ضلعی چیئرمین کی تمام سیٹوں پر کامیابی حاصل کی اور ٹاؤنزپر بھی بھاری اکثریت سے جیت حاصل کی،بلاول بھٹو زرداری نے کہا کہ مجھے اس بات پر بھی خوشی ہے کہ پیپلزپارٹی کے ٹکٹوں پر اقلیتی برادری سے تعلق رکھنے والے18امیداور بھی چیئرمین اور ڈپٹی چیئرمین کے طور منتخب ہوئے ہیں جس سے جمہوریت اور بلدیاتی اداروں کے شان میں اضافہ ہوا ہے،پیپلزپارٹی کے چیئرمین نے بلدیاتی اداروں کے نو منتخب سربراہوں سے کہا ہے کہ وہ سچائی اور لگن سے عوام کی اس طرح خدمت کریں تاکہ ان کے اس عمل کی باقی صوبوں کے بلدیاتی اداروں کے سربراہان پیروی کریں۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.