عمران خان کا ڈاکٹر طاہر القادری سے ٹیلی فونک رابطہ

محمد علی پیر 29 اگست 2016 21:04

اسلام آباد (اْردو پوائنٹ تازہ ترین اخبار۔29 اگست 2016ء) عمران خان کا ڈاکٹر طاہر القادری سے ٹیلی فونک رابطہ ہوا ہے۔ تفصیلات کے مطابق تحریک انصاف کے سربراہ عمران خان کی جانب سے پاکستان عوامی تحریک کے سربراہ ڈاکٹر علامہ طاہر القادری سے ٹیلی فونک رابطہ ہوا ہے۔

(جاری ہے)

اس دوران عمران خان کی جانب سے طاہر القادری کی خیریت دریافت کی گئی۔ دونوں رہنماوں نے اس موقع پر ملک کی موجودہ سیاسی صورتحال اور حکومت مخالف احتجاجی تحریک سے متعلق بھی تبادلہ خیال کیا۔ واضح رہے کہ تحریک انصاف کی جانب سے پاکستان عوامی تحریک کو 3 ستمبر سے شروع ہونے والی حکومت مخالف تحریک میں شمولیت کی دعوت دی جا چکی ہے۔