رانا ثناء اﷲ پر سنگین جرائم میں براہ راست ملوث ہونے کا الزام ہے‘ پاکستان عوامی تحریک
پنجاب میں کومبنگ آپریشن کا آغاز صوبائی کابینہ سے ہونا چاہیے،پانامہ کے ڈاکوؤں سے نجات کے لیے سانحہ ماڈل ٹاؤن کا قصاص ناگزیر ہے‘فیاض وڑائچ/ بشارت جسپال
پیر 29 اگست 2016 20:39
لاہور ( اُردو پوائنٹ اخبارتازہ ترین - این این آئی۔29 اگست ۔2016ء) پاکستان عوامی تحریک جنوبی پنجاب کے صدر فیاض وڑائچ نے کہا ہے کہ صوبائی وزیر قانون رانا ثناء اﷲ پر سنگین جرائم میں براہ راست ملوث ہونے کا الزام ہے ، پنجاب میں کومبنگ آپریشن کا آغازصوبائی کابینہ سے ہونا چاہیے۔انہوں نے کہا کہ شریف برادران نے لوٹ مار اورون مین شو کا نام جمہوریت رکھا ہوا ہے اسے ہم نہیں مانتے ، ملک میں حقیقی جمہوریت اور اسمبلیاں ہوتیں تو پانامہ کے ڈاکو ایوانوں کی بجائے زندانوں میں ہوتے، انہوں نے کہا کہ عوامی تحریک کے احتجاج نے قاتل حکمرانوں کی نیندیں اڑا دی ہیں۔
3ستمبر کا احتجاج حکمرانوں کے ہوش اڑا دے گا۔گڈ گورننس لاہور کے لکشمی چوک میں ڈوبی پڑی ہے۔8سالوں میں لاہور پر 4ہزار ارب روپے خرچ کیے گئے لیکن چند گھنٹو ں کی بارش نے حکمرانوں کے ترقی کے دعوے بے نقاب کر دیئے۔(جاری ہے)
وہ عوامی تحریک پنجاب کے مشاورتی کونسل کے اجلاس سے خطاب کر رہے تھے، اس موقع پر سردار شاکر مزاری، سردار سیف اﷲ سدو زئی، ڈاکٹر زبیر خان، راؤ عارف رضوی و دیگر موجود تھے، فیاض وڑائچ نے کہا ن لیگی وزراء ڈاکٹر طاہر القادری کی عوامی مقبولیت سے اس قدر بوکھلا چکے ہیں کہ اپنا ذہنی توازن بھی برقرار نہیں رکھ پا رہے اور حواس باختہ ہو چکے ہیں، رانا ثناء اﷲ و دیگر وزراء کے بیانات سے یہ پتا چلتا ہے کہ حکومت کس قدر بوکھلاہٹ کا شکار ہو چکی ہے اور اس بوکھلاہٹ میں اس کے وزیروں ،مشیروں کو یہ بھی پتا نہیں چلتا کہ کس موقع پر کیا بولنا ہے۔
انہوں نے کہا کہ رانا ثنا ء اﷲ ذہنی پسماندگی اور دماغی طور پر اس قدر مفلوج ہو چکے ہیں کہ انہیں پہلی فرصت میں کسی ماہر نفسیات سے رجوع کرنا چاہئے۔رانا ثناء اﷲ شریف برادران کی ذہنی غلامی اور حق نمک کی ادائیگی میں اپنا ضمیر کھو چکے ہیں ۔فیاض وڑائچ نے کہا کہ سانحہ ماڈل ٹاؤن کے قاتلوں سے قانون کے مطابق قصاص لیں گے۔خون شہادت کے ایک ایک قطرے کا حساب لیں گے ، ریاستی دہشت گردی کا حصہ بننے والے سزا سے بچ نہیں سکتے ، 3ستمبر کو راولپنڈی میں ہونے والا احتجاج حکمرانوں کے خلاف عوامی فیصلہ ثابت ہوگا، جلد ہی غریب عوام کی لوٹی ہوئی دولت وطن واپس لائی جائے گی اور قاتل حکمرانوں کا ٹھکانہ جیل ہوگا۔متعلقہ عنوان :
مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.