تحریک انصاف نہیں چاہتی کہ ملک بحرانوں سے نکلے، میاں عرفان دولتانہ

اتوار 28 اگست 2016 16:45

لاہور (اُردو پوائنٹ اخبارتازہ ترین - آن لائن۔28 اگست ۔2016ء) مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ عمران خان کا ملک میں بحران پید ا کرنے کا منصوبہ کبھی کامیاب نہیں ہوگا،وزیراعظم پر الزامات لگانے والے اس وقت کیوں نہیں بولے جب وزیراعظم نے قومی اسمبلی میں اپنا موقف جرت مندانہ انداز میں پیش کیا، اب اپوزیشن کے پاس بھاگنے کے علاوہ کوئی چارہ نہ رہا ،کارکنوں سے بات چیت کرتے ہوئے انہوں نے کہاکہ عوام کو مشکلات سے نکالنے کے لئے مسلم لیگ ن نے بڑے بڑے منصوبے بنائے ہیں ،تحریک انصاف نہیں چاہتی کہ ملک بحرانوں سے نکلے ،وہ عوامی فلاح کے منصوبوں کی تکمیل نہیں چاہتی ،عمران خان روز نیا شوشہ چھوڑتے ہیں ،وہ ملک کے مفاد کے منافی اقدامات کررہے ہیں،انہوں نے کہاکہ قومی اسمبلی میں اپوزیشن کچھ نہ کہہ سکی ،خورشید شاہ بھی الزامات لگا کر خاموش ہوگئے ،ان کے پاس بھی کہنے کو کچھ نہیں رہا ،اپوزیشن نے کبھی مثبت کردار ادا نہیں کیا ،حزب اختلاف صرف اور صرف تنقید تک محدود ہے۔

Facebook Twitter Google + Share on Whatsapp

تحریک انصاف نہیں چاہتی کہ ملک بحرانوں سے نکلے، میاں عرفان دولتانہ

متعلقہ عنوان :

مزید اہم خبریں